|
][ ديــوآن إلشـآعره : نـؤف الميمــوني.."شآعرة البنفسج"][
http://www7.0zz0.com/2010/05/03/01/828621751.jpg إلسسسلام عليكم ورحمـة اللـه وبركاااااته هذا أول موضوووع لي بالمنتـدى .. أتمنـى إنه ينااال على رضـااااكم وإتمنــى أكــون ضيفـه خفيفـة عليكـــم ... |
][نوف الميموني][ "شاعرة البنفسج" كما يطلق عليها محبيها كثيراً من الشعراء يحرصون على متابعتها لـ قوة حبكها وسبكها للقصيدة تكتب على أكثر البحور صعوبه , أوزان شعرها تخلط بين الماضي والحاضر ولاعجب فقد حافظة على موروثنا الشعبي في قصائدها . : شاعرة ربما لم تتواجد إلا للشعر الحقيقي فقط .. نعم هي [ نوف الميموني ] أجل هي تلك المبدعة التي تتنفس من الشعر شعرا ً للحياة .. وترسم ملامحها في كل قصيدة , تجدها في هذا البيت أو ذلك الشطر .. أو قل تلك المفردة .. حتى تلك الفكرة التي تكشف الكثير من ملامحها ... [ نوف الميموني ] المبهردة في بساطتها ونقاء قصيدتها من تلك الشوائب التي جلبتها مجموعة من المزيفات في الساحة نوف...تجبرك على التصفيق حتى ساعات متأخره من الأبداع.... عندما تتألق نوف الميموني ..نكون جميعاً أذانٌ صآغيه كي نستمتع فيما تقوله.... أترككم مع المتألقه....... |
"إلضلوع العوج" // // يعني عشاني حرمتن وإنت رجـال دايم جدالـك متخـذ عنصريّـه يانصفي الثاني على كل الأحـوال الضلع الأعوج لا يجـي هامشيّـه بنـاء دورك بالمياديـن فـعـال ونضرب عشانك للمراجل تحيّـه لا زلت في وضع الصداره ولا زال بأعلى المراتـب تآخـذ الأولويّـه حق السياسه اختلف بين الأقـوال ورأي المعارض حايـز الأغلبيّـه بشويش وإسمع كلمه الحق تنقـال ولا أبيك تشعل من كلامي قضيّه بنات حواء لو يقاسن بالأعمـال محدن نكرهن بالفعـل والعطيّـه افعالهن تبقى على مـر الأجيـال بصمه مهمـه فـي حيـاة البريّـه لهن مواقف شامخه مابهـا جـدال تاريخهن شاهد علـى كـل نيّـه وكانك بغيت الجد في كل الأحوال رأيي بقولـه وأكتبـه فـي يديّـه " أصلا عشاني حرمتن وانت رجال حق السياسـه للرجـل أولويّـه // // |
الحزن ماهو شي عـادي وعابـر به حزن يكبر يوم ذكرى مروره حتى الحزن مستوطنـن بالمحابـر بين القصيد وبين باقي سطـوره عمره سنه والكل عارف وخابـر سيطر على نبض الخفوق وشعوره من يوم شالـوا جثتـه للمقابـر والدمع يعلن في عيونـي عبـوره نسل السلاطين الشيوخ الأكابـر له سيرتن تحكي على الطيب دوره دام المراجل ساسها الشيخ جابـر تحفظ تواريخ المراجل حضـوره يالدمع ماقدر في فراقـه أكابـر أبكي ويبكيه القصيـد وبحـوره عقبه غدى هالوقت والكون غابر وأسدل ظلامه عقب ضيّه ونوره لكن عزانا الشعب مؤمن وصابر والله يزيد ايمان نفسـن صبـوره |
// // ياليت جابر حي ويشوف صـدام نهايتـه قـدام شعـبـه ذليـلـه يستاهل اكثر فوق حكمه بالأعدام وأنا أشـوف إنهـا بحقـه قليلـه ما هو برمزن للعروبـه والأسـلام ولا هو كفو حتى الشرف ينتميلـه يا كويتنا جرحك له سنين وأعـوام واليوم طيبـي يالجـروح العليلـه بثوا خبر موته بشاشات الأعـلام وبثيت فرحي والقصايـد جزيلـه واللي يقول إنه عظيم ٍ وضرغـام أقول أنا مافيـه خيـر وفضيلـه يكفي سجله حافلن كلـه إجـرام تاريخـه الأسـود بجرمـه دليلـه " يمهل ولا يهمل " على مر الأيـام سوى ف"جاره" وأصبحت تستويله // // |
بنآت الإمآرآت // // لوكنت ماني من بنـات الأمـارات ودمي كويتـي والعـروق بدويـه ابوي زآيد داخلي حـي مامـات ودبـي بيتـي والبلـد حاتمـيّـه واللي يبي تفسيرها بيـن الأبيـات يلقـى غلاهـا محتوينـي هنـيّـه حبي لها نابع من الـذات للـذات يعيش فـي دمـي خليّـه خليّـه وشلون اصلا ً ماأفتخر كل الأوقات وانا أجوديه مـن ديـار أجوديّـه لبيـه يـادار السعـد والمسـرات ولبى قصيدك لا نكتب فـي يديّـه ولبى شعبها كل ساعـه وحـزات كنـا ربينـا مـع بعضنـا سويّـه صحيح ماني من بنـات الأمـارات لكن لهـا داخـل عروقـي حميّـه // // |
دوم إتـردد بيـن قلبـي وبينـي " إن ماخذيت اللي له القلب ميّال عقبه فلا آخذ كل رجلن يبينـي " يمكن بعيدن بالمسافـه والأميـال لكن قريبن بيـن قلبـي وعينـي أشوف به شيخن على كل الازوال إليـا لفـى فزولـه الحاضرينـي متسيّدن في وسط قلبـي ويختـال يملك حياتي بس وينـه ووينـي؟؟ اللي رفض كل العذارى ولاطـال إلا خفوقـي بالغـلا والحنيـنـي وشلون ابقنع خافقي لاالزمن مال إن الظـروف القاسيـه ماتلينـي وشلون ابرضى عقبها بأي رجال وشلون ابدّل نور عينـي بيدينـي دامه حفظني فـي عيونـه ولازال طيفه على طـول الليالـي يجينـي ابيه يذكـر كلمتـن دوم تنقـال دوم إتـردد بيـن قلبـي وبينـي " إن ماخذيت اللي له القلب ميّال عقبه فلا أخذ كل رجلـن يبينـي |
// // مظلمه في غيبتك كل الْكُويت والشوارع غارقـه بأحزانهـا والله انك يوم قفيت وسريت والسعـاده قفلـت بيبانهـا واهنّي دربن وطيته لا مشيت واهنّـي المملكـه وسكانهـا يسعد الله طلتك في كل بيت معلن الجيّـه علـى عربانهـا غرفتن قيّلت فيها أو غفيـت ليت عيني من حدى جدرانها فارسي لاغبت عني مارضيت مهرتك تبكي علـى ميدانهـا دلتك في مجلسك منها خذيت في يمينـي حاضنـه فنجانهـا ياوجودي كان طولت وبطيت وجد منهي تنتخي بإخوانهـا دامك فبالي وانا فبالك طريت المحبـه عـادلـن ميزانـهـا عجل الجيه ترا حال الْكُويت والشوارع غارقـه بأحزانهـا // // |
ياللي خذيت القلب وين إنت غايب؟! غطت علي نبض الطفوله تجاعيد أحتاج لك قلبٍ جروحه عطايب من يوم ماشحت عليه العناقيد ليلة جفا وافراق بين الحبايب لا وا حسافه حالنا اليوم ياعيد ياعيد قلي هالسنه ويش جايب موت الامل ولا ممات المواعيد البارحه من طاح دمعي غصايب ضحكت أخبي دمعتي والتناهيد البارحه هم وجروح وطلايب وقلبك يزيد غياب وعنادك يزيد للعيد فرحه في عيون القرايب إلا انت عندي شوفتك فرحة العيد // // |
// // الجرح ماترسم ملامحه الاقلام لاصار يكبر مالقى له طبيبي خله هنا بين المعاليق لا قام دمعي يوضح ماخفى ياقليبي وإلا انت ياللي من عقب غيبة اعوام قلي عقب طول الجفا وش تبي بي؟! أنا اعترف اني معك عشت بأوهام وخذيت من دنيا التعاسه نصيبي ياليتني ماقلت احبك من العام وأعلنت صدي في هواك ومغيبي قد قلت لك إنك حبيبي والأيام تمشي وأنا مابين دمع ونحيبي ومن يوم ماتت من سبايبك الأحلام ترا عقب ماصار من بـ (حبيبي) والعيب ماهو حب صادق ولا دام العيب ضاع الحب بأسباب طيبي // // |
| الساعة الآن 06:09 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
