جيتك من الصمان يامكرم الضيف
أحمل تهاني مطيرمن كل ديره
أزفها لك يازبون المواقيف
كــلـن يعـبـر مايـكـنـه ضـمـيره
كـلـن يـاكـثـيـرالـمـعـاريـف
من مطيروإلا من الشعوب الغفيره
ياقائد القوه كثير التواصيف
يالهيلعي يـابـوالـفعـول الشهـيـره
لعل يفدونك أخبولآ ملاقيف
يجـمعـون الـكـذب مثل الجـزيـره
ناس تولف بأكثر الحكي توليف
وكـلن عـلى النمات يشعب إبعيره
يوم أن ولد اللاش بالعذر حريف
إلـيـا نخـيـته حـاص حوصه كبيره
مايقضي الحاجه ولا منه تخويف
هـرجه حـلو لاشك نفسه شـريـره
خبلن يصفف زايد الحكي تصفيف
لانـافـع ربـعـه ولا فـيـه غــيــره
والا أنت ياأبوأحمد بعيد المناكيف
عز الضعيف اللي أحباله قصيره
ترفعلك البيضاء بروس المشاريف
لـنـك أسنافـي والـفـعـايـل كثيره
عز الذي ينصاك دمعه مذاريف
لاقـلـت الـحـيـله ورجـله كسيره
لاجاك متضايق وهمومه مراديف
تـحـلـهـا بـالـطـيـب وألا إبـغـيـره
تبطش بيمنن بالوصف كنها السيف
يمنن على وضح النقى مستنيره
على النقى والطيب مافيه تزييف
وعلى الشرف والعز مع حسن سيره
ولو بذكر اللي فات من دون تحريف
ياكـثـر مـاسـوى سـتـيـر الـقـصـيـره
كلفت نفسك ياأبيض الوجه تكليف
وتتـعـب وعيـنك يـا أبـوأحمد سهيره
غلاك في قلبي أعروقه مجاديف
وكـلـن يحـبـك بـالجـهـر والسريـره
والحمد للمعبود جتنا على الكيف
رتـبـة لـواء هـي مـفـخـره للعشيره
تفاخروا يا أهل البكار المشاعيف
منصور لواء ياأهل الوجيه السفيره
وأختامها مبروك يامكرم الضيف
يالهيلعي يـابـو الـفـعـول الشـهـيـره
مبروك يا منصور واف التواصيف
بإسمي وبأسم مـطـيـر مـن كـل ديـره