::منتدى الجبلان الرسمي:: - شاعرك لا ما غدى إبتدا طرق جديد

::منتدى الجبلان الرسمي:: (http://www.aljblan.net/vb/index.php)

- همس القوافي (http://www.aljblan.net/vb/forumdisplay.php?f=53)

- - شاعرك لا ما غدى إبتدا طرق جديد (http://www.aljblan.net/vb/showthread.php?t=20141)

شاعرك لا ما غدى إبتدا طرق جديد

مسا الخير

مدخل..........

القصيدة يتكون البيت فيها من اربع قوافي

تفعيلة القصيدة .... فاعلاتن فاعلن فاعلاتن فاعلن

وراح تجي كل قافيه على كلمة فاعلن وراح اميز القوافي بلون مختلف

واتمنى تحوز على رضاكم خاصة اخوي الاشعل

ملاحظه

في شعار كبار اكتبوا بنفس موضوعي منهم على سبيل المثال

الشاعر الكبير مفرح الضمني

باب النقد والمناقشه مفتوح على الآخر

شاعرك لا ما غدى إبتدا طرق جديد,,,,, فز ذيبي يا فهد والقوافي بإزدياد

ياطويلات المدى جيت والهاجس عنيد,,, الجزاله لي بلد وأمتطي سبري جواد

يا مخضع لي العدى يا عسى عمرك مديد,, وش علي باللي لبد او محرثة الرماد

جعل سعيك في سدى جعل أجناسك تبيد,,, جعل كارهني رمد عين يا جعل النفاد

وهيه يا قطر الندى أرحبي وسط الوريد,, أرحبي قلبي ولد شاف حضنك له مهاد

إنبثق نورك هدى جاك بالظلمه طريد,,, وإهتدى حب وحمد من بيدينه هالعباد

دوك عمري لك فدى يا ألذ من الثريد,,, من يشوفك ما صمد من ينولك فوق ساد

يغلب الصوت الصدى لو تخايلتك بعيد,,, لا تورثني نكد الوصل راس المراد

من يحبك لو شدى بأعذب ألحان القصيد,, ما يهمه ما قصد دام لحن القرب شاد

وهيه يا قطر الندى أرحبي وسط الوريد,, أرحبي قلبي ولد شاف حضنك له مهاد

الشاعر .. محمد بن جبرين
مبدع كما عهدناك تأتي لنا بالجديد
مبدع في أختيارك وتنوعك بالقوافي والبحور
مبدع في كل حالاتك وصح الله لسانك يا قمة الشعر
....
.... تقبل مرور أخوك...
..............................فهد عيد الجبلي

يغلب الصوت الصدى لو تخايلتك بعيد
,,, لا تورثني نكد الوصل راس المراد

احس ان محمد يدخل تحدي مع نفسه في كل نص
بجد

والتحدي هذا يخلينا كل فتره نقرا نص
وننبهر بقدرته وامكانيااته الشعريه
نصوصك داائما تحمل فكره وحبكه واحسااس طاغي
اكتمل كل شي بهالنص الا الاحساس يامحمد
ويمكن لانك ركزت على القصيده وعلى البحر الجديد

وتظل مبدع وشاعر لايتكرر

صح لساانك مليوووووووووووون
يا استاذ الشعر

محمد بن جبرين

صح لسانك طال عمرك مليووون ولايكفون .
مبدع كلمة قليل بحقك .

دمت بود

لاااااهنت على هلا بدااااع الجميل اشيد في قلمــك اخوي ابن جبرين ولاهنت مره اخرى
تقبل مروري وخالص احترامي اخوك/ طلال فهد الجبلي

صح لساانك يابن جبرين
قصيده راائعه

لاهنننت

الله عليك

وصح لسانك

اخوي محمد هذه النصوص تكون صعبه وسهله بنفس الوقت .. !
صعبه للي مايملك مساحه جيده في الترويض والعسف للكلمات ،
او المستشعرين

اما الشعراء امثالك فتسهل عليهم

ولكن عيب النصوص انها تاتي متكلفه
لانها تشغل الشاعر في الحبكه والصياغه
فما يقدر يتوفق في درج احساس مع صياغته وليس محمد كثير من الشعراء
ولكن تبقى فكره حلوه وجميله

صح قلبك مليون

دوك عمري لك فدى= يا ألذ من الثريد
من يشوفك ما صمد=من ينولك فوق ساد

:)

انت ممبدع

محمد بن جبرين
الطرق هذا ما يكتب عليه أي شاعر وانت شاعر فحل يامحمد قلتها من قبل وآقولها الحين وآجدد أعجابي بحرفك ..
راقت لي هذا الابيات الجزله المصبوبه والمرصوصه بماء الذهب ،، لكن لفت انتباهي بيت جلست أردده واعيد قراءته اكثر من مرّه:
يا مخضع لي العدى
......يا عسى عمرك مديد
وش علي باللي لبد
.......او محرثة الرماد
ياسلااااام عليك... وعز الله انّ الجزاله لك بلد وانت الحاكم يابن جبرين .. صح لساااانك ملاييين على هذه الفاتنه والدرّه الثمينه

وهيه يا قطر الندى أرحبي وسط الوريد,, أرحبي قلبي ولد شاف حضنك له مهاد

.

.

دوك عمري لك فدى يا ألذ من الثريد,,, من يشوفك ما صمد من ينولك فوق ساد

محمد بن جبرين

صـح لسانـك .. ألف ~> ياخوي محمد

مبدع كـ عادتك .. ولك بصمـه " تميزت فيها لـ حالك "

بارك الله فـ اللي جابـك لنـا .... ويسلم هـ الحس اللي عيشتنا فيـه