انا تمنيت في قلبك تمناني= بس اكتشفت ان فيه احد(ن) سكن بيته
لاصار به واحدن غيري لاتنهاني=لاتنهي الشاعر الي به عفاريته
مالوم قلبك ليامنه تناساني=ولا لوم قلبي لياردد علي ليته
انا عشقتك بصدق وجيت لك عاني=وياليت قلبك عشقني كثر ماجيته
كنت احسب الجرح من سكين عدواني=واثره من الي على حبي تهقويته
ليتك مريح خفوق(ن) كثر ماشقاني=ماكان علقته ابحبك وخليته
ياشعري ووزني وبيتي وقيفاني=وياجمل حقيقة خيال(ن) ذايع (ن) صيته
من كثر ماغليك صدقها على شاني =اغليت من شفت ولا بسم ناديته
اسمك يميت الخفوق وصوتك احياني=شف كم تحيي وتذبح لاتطريته
بسيطه الي جرى حقي وماجاني=قلبي ياطيبه وانا ياكم وصيته
الله يوفقه دامه شاري (ن) ثاني=وانا الذي من جميع الناس بديته