|
يا زينها هاك العيون الكحيلة
تحية طيبة للجميع قصيدة متواضعة أتمنى أن تصل الذائقة لديكم
يا صاحبي ما شفت قلبي تهنيه=فأيمن بطين القلب يسكن خليله وبأيسر بطين القلب له كل ما فيه=مالك معاليق الحشا من مثيله هو نبض شرياني وقلبي يغذيه=واهوا الدواء لجروحي أللي عليله لا شاف زولي قام كلي يسليه=وإن غاب زوله شلت حملي وآجيله ساس الكرم والطيب مكسب أهاليه=نسل السيوف المرهفات الصقيله والله يا كلي وأنا كلي أبغيه=وأبغيه يا كلي وابيها حليله فيها العيون الناعسة نعسها تيه=يا زينها هاك العيون الكحيله ويا زينها خصله على خد راعيه=ويا زينها فوق المتون الجديله والجسم عود البان والغرب يدعيه=يا حلو نسناس الهوى في القذيله وإذا أكتمل بدر الشهر جاك طاريه=من شان خشف الغيد يجلس بديله والزين له مفروض والرب معطيه=يا قبلة الله والسحايب تخيله أنا وكلي كل كلي يراعيه=لامنه أقبل جاه كلي يجيله واقلبي اللي تلته من محانيه = ونظمت فيها أبيات شعري جزيله وأرجي أنا ربي عسى الله يخليه=دايم دروبي بالهوى تنتهي له خمسة عشر بيتٍ نظمته وابهديه=من قلبي له كله وكله حصيله وسلامتكم أخوكم / أبو مساعد |
ساس الكرم والطيب مكسب أهاليه
نسل السيوف المرهفات الصقيلـه والله يا كلـي وأنـا كلـي أبغيـه وأبغيه يـا كلـي وابيهـا حليلـه اللللللللللللللللللللللللللللله عليك ياخالد مثل ماعودتنا قصيدة جزله والواحد يقراها اكثر من مره ومايمل منها وفكرتهاااااا حلوووه وكلمااتهاااااا احلى صح الله السانك وصح قوافيك عليهاااااااا ابدعت كالعادة ياشاعرنا دمت لنا ياشاعرنا ودام تواجدك بيننا ودام للشــــــــعر وللحظور هيبته |
فيها العيون الناعسة نعسهـا تيـه
يا زينها هـاك العيـون الكحيلـه ويا زينها خصله على خد راعيـه ويا زينها فوق المتـون الجديلـه والجسم عود البان والغرب يدعيه يا حلو نسناس الهوى في القذيلـه صح لسانك ياخالد ومبدع ورائع ومن زود في زود انشاءالله |
والله يا كلـي وأنـا كلـي أبغيـه
وأبغيه يـا كلـي وابيهـا حليلـه صح السانك وبالتوفيق انشاء الله |
هلا بك والله يا دمعة ناقة وشكراً لتواجدك وصح بدنك وحضورك وتجميلك للمتصفح هذا ودام نبض قلبك وتسلمين وتقبلي تحياتي |
صح بدنك يا أحمد والإبداع والروعة تواجدك ولا هنت على هالحضور تقبل تحياتي |
صح بدنك يا مكسور وعسى الله يوفق الجميع لا هنت على هالحضور |
قصيده رائعه
صح لسان الشاعر ولاهنت اخووي على القصيده المميزه |
صح لسانك يابو مساعد . .
لاخلا ولاعدم . . بس عندي ملاحظه .. لو حاطها بقسم همس القوافي لآن هالقسم يهتم في قصائد وشعراء الجبلان يعني المنقول . . لاهنت وبيض الله وجهك |
| الساعة الآن 09:41 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
