صـوتـك بيوم العيد والله لازال (الشاعرة هتون الغيم )

--------------------------------------------------------------------------------



صـوتـك بيوم العيد والله لازال
يـنخر ضلوعي لين زاد بجهَدها
مـالـي جدا ياكود هالدمع iiهمال
يـسـقي بيوتن غاب عنها سندها
مـن بعدك الدنيا تصاوير/ أشكال
غـيبتك هدت كل روح بجسدها
يـاقـوّهـا صدمه ويابعد هالفال
لـلـحين ماصدقت منهو سردها
أخـبـار والله تفجع القلب ياخال
خـيمتك قالوا طاح عنها عمدها
اطـرافها مالت مع الريح بالحال
مافادها ياخال كثـــرة عددها
فـي غـيبتك مايفقد الكون رجال
الاقـبـيـلـه هاجرت عن بلدها
روحـي بعد عينك لهالهمّ مدهال
مـاعـاد يغريني هناها وسعدها
دنيا خذت مني حياتك على الحال
مـن بـعد ماذاب بيميني شهَدها
مالي عزا مات العزا فيك ي خال
عـزاي شـوف اللي حياته فقدها
غـلاي غاب وغيبته هزّت جبال
في ليلةٍ ياسعــــد منهو رقدها
لـيلة جفا من بعد ماكانت وصال
لـحـضور غاليها ينادي عهدها
يالله يـاعـالـم مـواعيد الآجال
تـغـفر ذنوبه وان تزايد عددها
وتـبـدله عن دنيته خير منزال
جـنـات خـلدٍ تغسله عن كمدها