::منتدى الجبلان الرسمي:: - الطعنه اللي من ورى الظهر تنهيك وشلون لاجاتــك من اللي يـــــودك

قصيده جميله تستحق النشر مع وجود بعض الملاحظات لا أعرف قائلها

بعض البشر لامن حشمته طمع فيك *وبعض البشر لامن جفيته يودك

وبعض البشر يتعب على شان يرضيك* وأغلى من اخوانه بقلبه يعــــدك

ويا صاحبي هالحين بانت خوافيـــك* علقـــتني مابين مزحــــك وجدك

وش جاك مني ياعشيري وانا أخيك * قبل امس انا صاحبك واليوم ندك

لاضاق صدري من عنا وقتنا أ جيك* واشوف دمعات الغلا فوق خـــدك

والحين تظلمني وانا منك ووفيــك * بكل إحترام اقول يا خوي حـــــدك

ثمن كلامك يا عسى الله يهديك * لاصار ماي الوجه يعجز يـــــــردك

ثوب الردى ياصاحبي مايقديك * الثوب لاهو ثوبك ولا القـد قـــدك

انا اول انسان اذا ضقت بجيك * حتى ولا اذكر يوم وقــفت ضــــدك

ماتذكر اني بالوفا كنت اجازيك * وانته تجازيني بظلمك وصــــــدك

لكن خلاص اليوم والله مابيك * النفس طابت ســــو ماهــــو بــودك

الطعنه اللي من ورى الظهر تنهيك * وشلون لاجاتــك من اللي يـــــودك

لا واهني يوم انا اموت بيديك * ذابح وتبكـــي من ذبحته بيــدك