::منتدى الجبلان الرسمي:: - ((.. امنتك الله حبيبي لا تخليني ..))..!!

سلام عليكم

قصيده جزله وحبيت ان انقلها لكم

يضيـق بالـي مـن الفـرقـى وطاريـهـا
ويرتاح بالـي ليـا مـن شافتـك عينـي

اشغلـت فكـري حبيبـي وش تواليـهـا
وفي غيبتك دمعـة الحرمـان تشقينـي

امشي مَعَ الناس لكن دون ما اوحيها
واشلـون ابنسـاك وطيوفـك تخاوينـي

إليا طرى أسمك دموع العيـن اخفّيهـا
خوفـي مـن العـاذل اللّـي مـا يدانينـي

وإليا طرت لـي وصوفـك جـل باريهـا
مـن فيـض زيـنـك تــوزّع للمزاييـنـي

تسبى النواظر بنعس اهـداب تسبيهـا
ومن بسمتك تخطف قلوب الملايينـي

يا مهجة الروح روحي كيف تشقيهـا
صمتك ذبحني ونـار الشـوق تكوينـي

اقـرى الرسايـل لأجـل نفسـي اسليهـا
وأثـر الرسايـل عقـب عينـك تعنيـنـي

مـا باقـي الاّ طيـور الــورق الآحيـهـا
اذكر بهـا احلـى الليالـي يـوم تغلينـي

بعـت المحبـه مـن اول كنـت شاريهـا
وعلى الوصل والموده كنت توصيني

ماتـت ورود الـغـلا مـاعـدت ترويـهـا
ماتت سبب قسوتـك يـا نـازح البينـي

حتى العهـود القديمـه صـرت ناسيهـا
ولاعـاد باقـي ســوى الـذكـر تقديـنـي

زادت جـروحـي ولا غـيـرك يداويـهـا
ليتـك تشـوف الخفـايـا كــان تبكيـنـي

ضاقـت علـي الوسيعـه مَــعْ مبانيـهـا
اطوي سنين الرجـا واقـول يـا وينـي

قلبـي يحـبـك وعيـنـي سـاكـن ٍ فيـهـا
لاتـنـخـدع بـالـعـواذل والشيـاطـيـنـي

في روض قلبي ورودك ليت تسقيهـا
تعـال واسقـي ورود الحـب واسقينـي

جاتك حروف الشّعر من قبل اسميهـا
دوّر عـبــاره تــواكــب للمضـامـيـنـي

مشاعـر ٍ مـا تـبـي يــا كــود غاليـهـا
وامنـتـك الله حبيـبـي لا تخليـنـي ..!!

الشاعر المبدع/حسن الهاجري