|
$خافيات(ن) للبشر ما يسلّن $
قلبي مـن الصدمـات ياصاحبـي ونّ=ونّة جريح(ن) داميـات(ن) عروقـه سبة حبايب خافق(ن) صوبهـم حـنّ=وأعلن هواهـم واحتياجـه وشوقـه حتى انصدم فيهم ومن فعلهـم جـنّ=وذاق المرار اللي صعيب(ن) يذوقـه وسبـة حكايـا يجرحـن مـايـداوّن=فيهـا بـلاوي للمنـايـا سبـوقـه عن خافيات(ن) للبشـر مـا يسلـنّ=منهـا خلّـي البـال تكثـر فتـوقـه وسبـة عطيـة مقتـدر كلهـا مـنّ=تكسر جنـاح البـر بأكبـر عقوقـه وسبة قوي يفرض على الكل ويسـنّ=سنة خطا او شـر محـد(ن) يعوقـه وذاك الضعيف يجاهد الوقت ويشـنّ=حرب الشقا حتـي يحصـلّ حقوقـه وناس(ن) تصاحبها على الطيب وتظنّ=ان الصديق اللـي علومـه صدوقـه واثر الكذب ياصاحبـي لعبـه وفـنّ=وأصدق صديق(ن) ماتميّـز فروقـه معذور قلـب(ن) للمـلا بيّـح و ونّ=كثر القهر والضيـم أدمـوا عروقـه |
معذور قلـب(ن) للمـلا بيّـح و ونّ=كثر القهر والضيـم أدمـوا عروقـه
صح لسانك اوخيتي الجبليه... على القصيده الرائعه.... انتي راعية القصيده؟؟؟؟؟؟ |
صح لسانج يالجبيله
صج انتي الي كاتبه القصيد |
تسلمين يالجبليه ..
لاهنتي علي القصيده لاخلا ولاعدم .. قصيده رائعه |
صح بدنك نيابتا عن الشاعر:) للاسف لا ... انا مو شاعره بل متذوقه للشعر:rolleyes: وهذي قصيده اعجبتني وحبيت انقلها لكم و للاسف لا اعرف قائلها :) الف شكر عالمرور اخي العزيز:) |
| الساعة الآن 01:49 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
