|
لي اربع سنين وحبي بايح سدّه
السلام عليكم ورحمة الله وبركاته
بالبدايه اعتذر عن عدم تواجدي المتواصل بينكم واسف على تقصيري ان لاحظتو علي التقصير وجيت اشارك اخواني المنتدى باللي اقدر عليه هالمره غزل :) خابرك يا احمد عضيدي بحزة الشدّه--- لـي ســبــعة ايــام لانــــوم ولازادي مـن يـــوم قـالــو رحلنّا ولا لـنـا ردّه---والقلب ماهو على الصدمات معتادي لي أربــع سنــين وحــبّي بايح سـدّه --- حب طــهور يفوح المسك والكادي ماعمري عشت الليالي اشتكي صده --- الا وهـو كـود يلـطف جوه الـهادي ان غـاب جتني جيوش الضيق منهده--- وان غبت نادى عليّ بصوته الشادي واليوم بعده فرضه الوقت من جدّه! --- وشلون انا اعيش وقت حطّم فـوادي لامـن تـذكرت دمـع العـيـن في خده --- ثـارت براكـين قـلبي وامـتلى الـوادي لابد اكافح واحـارب صاينن ودّه --- وابـنـي علـيهـا صـبـر أيــوب وعنـادي تعبت تفاكيري يكفي طالت المده --- قررت اسـافــر وادوّر نصفي الـغـادي يا احمد مشينا ولو ناصل بحر جدّه --- وانشد عن اللي عليه القلب نشّادي اخوكم/مبارك المسيّب |
صح لسااانك وبيض الله وجهك
اخوي المجهوول كاافي طلتك على المنتدى تسلم يالمجهول |
هالله هالله . .
المجهووووووووووووول . . انت مبدع . . صح الله السانك الى ابعد الحدود . . ولكن لي طلب ياليت لو تفصح عن اسمك الحقيقي ^_^ . . واذا ماتبي براحتك اهم شي ماتحرمنا طلتك .. .. .. |
حياك الله يا كحيلان مره ثانيه,,
صح لسانك ملااايين يا مبارك قصيده رائعه بروعة كاتبها دام نبضك في منتدى الجبلان لاهنت على القصيده بإنتظار جديدك |
صح قلبك اخوي القعيمي ووجهك ابيض يالغالي مشكور يالغالي على المرور الكريم اللي اعتبره شي كبير بداخلي
هلا بالغالي مقلدي وربي الله صح بدنك والمبدع صراحه احساسك الراقي بيض الله وجهك على هالكلام الطيب كلام يثلج الصدر الله يحفظك يامقلدي مشكور على المرور- على فكره يامقلدي اسمي موجود بعد القصيده :) هلا والله بأخوي فهد ابقاك الله يالأمير الله يديم قدرك ويعلي شانك عند واليك واللي حواليك بيض الله وجهك على المرور الكريم يالغالي مشكووووووووووووووووووورين جميعا ALMajh00L |
انا عندي سؤال يا اخ مبارك
على هالابداع هذا كله والقصايد الي بالفعل من اول مشاركه لك شديت الانتباه القصيده هذي قصتها حقيقيه ولا مجرد خيال ؟؟؟؟ وعالعمـــــــــــــــــوم صح الله السانك عليــــــــــــــها ابيات روعــــــــــه لي أربــع سنــين وحــبّي بايح سـدّه --- حب طــهور يفوح المسك والكادي ماعمري عشت الليالي اشتكي صده --- الا وهـو كـود يلـطف جوه الـهادي ان غـاب جتني جيوش الضيق منهده--- وان غبت نادى عليّ بصوته الشادي واليوم بعده فرضه الوقت من جدّه! --- وشلون انا اعيش وقت حطّم فـوادي انا عجبتني هالابيات هذي |
صح بدنج اختي دمعه ومشكوره يالغاليه على الكلام الطيب
انا عندي سؤال يا اخ مبارك القصيده هذي قصتها حقيقيه ولا مجرد خيال؟؟ القصيده هذي من نسج الخيال والاغلبيه متوقعينها ناتجه من واقع وللعلم انها اقدم قصيده عندي يعني هالقصيده انولدت مع بداياتي سنة 99 بسوي لها عيد ميلاد على قناة الساحه:) |
لاســــــو لها عيد ميــــــــلاد بقناة مطير (الصدى)
|
الصدى؟؟؟
فتحت هالقناة والا توها؟ |
ايـــــــــــــــه
|
| الساعة الآن 01:44 PM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
