لا تطري الفرقا
 

لا تطري الفرقا
أنا تعبت وخاطري حيل مكسور
وشلون ابوقف على عظم ساقي
نعيش في الدنيا على اللف والدور
هذا يبي صدقي وهذا نفاقي
عطني عهد وأعاهدك قلب وشعور
أنك على قلبي مدى العمر باقي
بلاش صد وعند وبعاد وغرور
ونعيش لحظات الفرح والتلاقي
دامك معاي وتصير للجرح دكتور
وأصير لك بلسم لجرحك وواقي
أنت الوحيد اللي تشكل لي النور
وأنا الأسير اللي بيدك وثاقي
لا تطري الفرقا ولا تسمع الشور
لك كلي الا يا حبيبي فراقي
لكن على فكرة ترى ما أنت معذور
كيف أتحمل منك مالا يطاقي
زمان قد وعدتني وعد بلفور
وأنا تراني راقية وأنت راقي
يا سيدي ما أنت بعلى الكذب مجبور
شوقتني حتى ملكت أشتياقي
زهره ونوري ما يغطيه ديجور
وأنت الوحيد اللي ممون وساقي
اذا عشقت بصدق والله ما أبور
مثلي صعيب أنك بعمرك تلاقي
لو صار منك ومني اخفاق وقصور
أنا التسامح ما يفارق نطاقي
ريح آمال وصادق الحب منثور
وتصير لي مله أصير وأزيد أعتناقي
أنا المؤشر وانت للسوق هامور
عندك توقفني ومنك انطلاقي

للشاعرة / آمال محمد

يسلمووووووو على النقل

يعطيك العافية اخوي المطيري
يسلمووووووووووووووووو على المرور

مشكوره
الهيت

نورت الصفحة بوجودك الهيت
يسلمووووووووووو