::منتدى الجبلان الرسمي:: - خل الخيانه والغدر ينفعــــونك......

جدّدت عهدي بالوفا لأجل أخونك

وأشفي غليلي عن قسى ضيم الأيام

لازم أجدّد كل جرح بطعونك

وأذكّرك باللّي مضالي من أعوام

لازم أشوف الدمع يغسل عيونك

حتى تحس إحساس عاشق ومنظام

وأتركك حاير تحترق في ظنونك

بين التجافي والوصل تبني أحلام

ما قلت لك أقدر أنا أعيش دونك

وإن الوفا ماهو تخاريف وأوهام

وش فيك ذابل ؟ منخطف ليه لونك ؟

تضحك قبل منّي إذا جيت بهيام

جرّب طعم مر السهر في جفونك

جرّب تبدّل لذّة النوم بألآاام

خل القساوه والغدر ينفعونك

وأنا على فعلي بشرواك ما أنلام

لا خنت قلبٍ بالمحبه يصونك

قل لي دخيلك كيف يهنالك تنام ؟

وسلامتكم.......