::منتدى الجبلان الرسمي:: - ** && عليك بصمت النجوم وقمرها && **

::منتدى الجبلان الرسمي:: (http://www.aljblan.net/vb/index.php)

- الشعر العام (http://www.aljblan.net/vb/forumdisplay.php?f=10)

- - ** && عليك بصمت النجوم وقمرها && ** (http://www.aljblan.net/vb/showthread.php?t=3489)

** && عليك بصمت النجوم وقمرها && **

شفت الليالي سود قمت وذكرتك طاريك بددها وقربك أسرها

رفعت راسي والحقيقه شكرتك وعليك بصمت النجوم وقمرها

سامح حبيبي لو كتبت ونشرتك مررت طيفك للورق واعتبرها

المعذره في زيها ماستشرتك لبستها بيض الثياب وسترها

والمعذره لاصغتها واختصرتك وانته حبيبي عاد لاتختصرها

خل الليالي ترتجف لافتكرتك تفز لاشافت خيالك عبرها

يومك تحراني انا مانتظرتك جيتك على كف السنين ودهرها

قيد الشموع بحضرتي لاسهرتك خل الليالي تنتظر في شهرها

طالعت فالعالم وساعة نظرتك هذي همومي ودعت واحتضرها

وردي قطفته وانت هذي زهرتك العين درعك والمتارس حورها

انتي ربحتيني وانا ماخسرتك وسوالف الماضي حبيبك قبرها

واليوم مرر غلطتي لاعذرتك وآثار ماضينا تفضل وزرها

وان قلت واسيني انا ماجبرتك شي ٍ بنفسي والرجال وقهرها

صح لسانك الف

وتسلمين على القصيدة الجميلة

وتقبلي سلامي

تسلم يالزعيم ..

اسعدني مرورك..

دمت بوووووووووووود ..