الشعر عنزتـه علـى راس قبـه=جزاه يوم إنه ماعمـره عصانـي
عقب التعب من قاع غبه لـغبـه=وجمع الدرر والي عطيت وعطاني
عرضته لصلف الزمـان ومهبـه=هذا مكانـه مثـل ماهـو مكانـي
بس انت ياللي غبت من غير سبه=متى تجي ماقدر فراقـك ثوانـي
تعال طف الواهـج اللـي يشبـه=هم الفراق اللي طـواك وطوانـي
تراي انـا ياجـرح قلبـي وطبـه=حتى طموحي ما يشابـه زمانـي
ومن حبني ماهو على شرط احبه=إلا انت بك شيٍ لـحبـك دعانـي
تسكب غلاك مع العروق وتصبـه=وتضمك لنبض الخفوق المحانـي
حتـى تمكـن فـالثقيـل و لعبـه=إلا لعب فينـي وخربـط كيانـي
والمسلم إن ما خاف فـالناس ربه=يبـدل الله حالـه لحـال ثـانـي
خايف عليك تطيح لك فـي مغبـه=وتصبح تعاني مثل مانيب اعانـي
يعنـي حبيبـك طالبـك لا تكبـه=تكفى إذا ماهو عشانـك عشانـي

الله يعطيك العافية يا سعود

وصح لسان الشاعر بن سرور