أجيه وأدري لو أجـي مالقيتـه=لكن كذا أرتاح لاجيـت ماضيـه
والله لا اموت وغايتي مانسيتـه=حتى بصلاتي اطلـب الله يهنيـه
الحاره اللى تفتخـر فـي مبيتـه=نامت كما طفلٍ فقد حضن اهاليـه
حتى في غيابـه للشـوارع شكيتـه=قالت تصدق عاد مثلك انا اغليـه
يشهد جداره من حنينـي بكيتـه=ودي أضم جدار بيته وأنا ابكيـه
ياما بصدق أحساس قلبي عطيته=وياما خذاني من التعب بين اياديه
أذكر في ذاك اليوم مـره لقيتـه=يبكي وضايق ياصاحبي مـن لياليـه
جيته بدون شعور لهفـه خذيتـه=وساعه أنا وياه جالس اواسيـه
وشرد خيالي من دموعه نسيتـه=جالس أفكر في دموعه وناسيـه
أثـره يناظـر دمعتـي مارأيتـه=قام وسألني ليش تبكي وأنا فيـه
مسح دموعي ياصاحبي واحتويتـه=مثل الغريب اللى تضمه غواليـه
واليوم انا والدمع وجـدار بيتـه=نسترجع الذكرى قبـل لا يخليـه

اضحك حبيبـي دام وقتـك مسليـك =باكر تموت مـن القهــرلانســـــــيتـك
راسك علامك رافعه يـوم أحاكيـك=الظاهر إني فوق حجمــك عطـــيتك
لحظه تبي نرجـع دقيقـه لماضيـك =بــذكـرك فـي أي حـالـــه لقيــــتـك
كان الضيـاع ودمعتــــيـن تخاويـك=منهــار وفي عـز انهيــــارك خذيتـــك
وأرخصت عمري لجل أحبك وأداريك=هدمت قصــر الذل فيـــكوبنــــــيتك
كان الغـــــلا شمعـه تنـور لياليـك=لو أظلمت دنيـــاك جيــت وحتويتـــك
ياللأسف كنت أمدحـك وأفتخر فيـك =رفعت من شانـك وعليـت صيتــك
كنت أنت عندي غير ما أقدر أخليـك =أموت وأحيا ان قلت سـموفديتـك
واليوم أشوفك خنت حتـى مباديـك=صغرت في عيني و أنا اللي هويتــك
الضيـف لـو انـه عـدو مـــــعاديـك=غصب عليــك تقـدره وسـط بيتــك
ياصاحبي بتمـوت مانـي براجيـك =واشره علي ان كان حتـــى طريتــك
لاصار ذل النفس في قلـب يغليـك =يلعنــــك ياقلـــب عشقــك وشريتـك
اضحك حبيبـي دام وقتـك مسليـك =باكر تموت مـن القهــــر لانســيتـك

لا نويتي .. تدخليـن المنتـدى .. تتصفّحينـي=علّميني .. لجل أحط .. بكل صفحاتي .. ورود

قالت:=زعلت
قـلت:=بالعكس ممنون
ازعل انــا لو كـان= جرحك لغيري ...