::منتدى الجبلان الرسمي:: - هذولي لابـة الجبـلان والله

يقول الي تغنى فـي كلامـه
عرفت ان الليالي شبه خامـه
تروح وتنطوي والعلـم يبقـى
اذا كان الردى والا الشهامـه
ابقصد واعسف القاف وبغنـي
ولا مريت من جرف العدامه
انا اصعد من طويله لي طويله
وعلى شعري مواثيق وعلامه
ولا طقيتها فـي كـل حاكـم
ادور حاجة البطـن وطعامـه
انـا غنيـت للطيّـب وطيبـه
واكرّم من تحق اله الكرامـه
على الجبلان وجهت القوافي
لعنـه الله مـن زت الملامـه
هذولي لابـة الجبـلان والله
لهم قدر الجباري واحترامـه
هل الردات مرويت الهنـادي
عوايدهـم يفكـون الجهامـه
يسفون الهوى زود الطناخـه
يبون التاج هاويـن الزعامـه
الا منه نخاهـم مـن نخاهـم
يذبـون الطواقـي والعمامـه
والا من قال ابن لامي مشينـا
تحزم كل رجلن في حزامـه
يجون الموت مايدرون وشهو
يبون امن الجمل عالي سنامه
نعرف فعولهم والناس تـدري
واظن النور جلايـن ظلامـه
وعليك بديرة الصمان تشهـد
وتشهد نجد مع وادي تهامـه
وتشهد ديرة العارض كلامـي
عن الي مر في قاع الثمامـه
ويشهدلي نهر دجلـه والاردن
من بلاد الشريف لحد شامـه
واذا جت للكرم ادخل على الله
تسر الضيف في سفحت يدامه
ترحب من قبل عرف الطراقي
مع حلو النبـا زود ابتسامـه
انا خاويت منهـم كـم واحـد
وهاض القلب ثم وثق كلامـه
عرفت عيـال بتـال العنانـي
ياجعل النار ماتلمس عظامـه
وشفت المرجله ربـي يقاهـم
من عيون الحسود ومن سهامه
يعل الي حمـل فيهـم يخلـد
على الفردوس في يوم القيامه
يقوله شمري جـاب الحقايـق
على الجبلان قد وجه سلامـه

الشاعر=== عبدالكريم الجباري ..