|
الجيب (عبدالكريم الجباري )
الجيب والقرناس وخوة هل الطيب = تسوا مقابلة العرب فالمدينه ما أسبهم واعرف انا مابهم عيب = بس الهوى ياهل العوى حدلينه عزبه وخيمه والصحاري مضاريب = وابو ثلاث شهور تو صالخينه ومعلقينه من كراعه على الجيب = والبن الاشقر تونا حامسينه شبت حطب ماهي بشبت عياسيب = ارطه وعرفج يمنا حاطبينه واليا سنت شب الجمور اللواهيب = قام المقهوي قرب الما بدينه ركب دلال مجلدات المقاضيب = رسلان من سوق الحفر جالبينه صفر(ن) تلالا يطعمن المشاريب = تبعد عن نفوس العباد الغبينه واليا احتما ماهن يشيل المراكيب = يحط كيف(ن) بالنجر طاحنينه فنجال ونص وردهن يمه قريب = وجاب البريق وسكره في بطينه وحطه على صفت هذيك المهاذيب = والبن فاح وركده في سكّينه وجاب الدلال اللي يعرف المواجيب = ثنتين غير اللي بهن عاملينه مجنون كيف ورتب الامر ترتيب = حط البهار وريح هيله يا زينه ثم زلهن لين استوى باخر السيب = وحطه بناره ربنا لا تهينه وقال اقدعوا تمر(ن) حلو توه نجيب = اخلاص من دار الحساء محضرينه ثم صب فنجاله ومابه عذاريب = والله على الفنجال تسلم يمينه مجربن ماهوب يحتاج تجريب = ايوالله انا كلنا مجربينه مافيه ضيف وكلبونا معازيب = والشاي خدّر والورق حاكرينه وعقب القهاوي والسوالف مطاليب = كلن يناظر للمواتر بعينه نبي نهيف قوق رووس المراقيب = ونفرع القرناس لجل السمينه اليا خطفها خطفت(ن) فالمخاليب = تبري النفوس الضيقات الحزينه واليا انتهى المقناص جبنا مكاسيب = والحر الاشقر عقبها مبرقعينه ونمشي ونلقى يمنا فطر(ن) شيب = ومفرود يطرد من ورى امه تنينه وسط النفود ولا نمر الشخانيب = نخاف من ضرب الحصى فالمكينه ووساع صدر ونطقنا بالتراحيب = وعقولنا هي العقول الرزينه ياليت لي دور(ن) بغوج الاطانيب = وانسى حضارات الخراب وسنينه ((اخير من طرد البنات الرعابيب)) = واحدن تسمع من عذابه ونينه ممشاي صح وخوتي للاشانيب = ورجل(ن) يصد عن المراجل ياشينه |
ياليت لي دور(ن) بغوج الاطانيـب
وانسى حضارات الخراب وسنينـه ((اخير من طرد البنات الرعابيب)) واحدن تسمع مـن عذابـه ونينـه ممشاي صح وخوتـي للاشانيـب ورجل(ن) يصد عن المراجل ياشينه قصيدة رائعه مثل ناقلها يعطيك العافيه |
الله يعافيك ياسعود
وجودك الاروع بس انا مستغرب من هالبيت ((اخير من طرد البنات الرعابيب)) هذي القصيده قالها قبل عرسه يعننّي ههههههههههههههههههههه واذا تبيني اقول رايي الشخصي لا بالله ماهو اخير والجباري بعد ماهو بعيد عني انا خابره مره شفته يطرد له وحده من البنات الرعابيب بالسوق هههههههههههههههههه <<< حاط الموضوع عشان يفضحه |
صح لساانك ولسان الشاعر وسلمت يمينك على النقل الطيب
وقصيده جزله ماشاءالله. تقبل مروري. |
بعيد الهقاوي
الله يسلمك وجودك منور الصفحه |
صافي الاحساس
جزلة من جزل وقصيدة رائعة تحمل من المعاني السامية الكثير والخس يقوووووووول ياعاذل المشتاق مابالهـوى عيـب ........................................ماذقت لذاته عسـى امـك تدجـي لو ذقت من حلوه ومـره تجاريـب .........................................مالمـت طـراد البنـي الغنجـي مني لك تحياااااااااتي |
لو ذقت من حلوه ومـره تجاريـب
.........................................مالمـت طـراد البنـي الغنجـي رووووووووووووووووووووح حبولي خشم ابو خلف على هالبيت سلطان لا خلا ولا عدم وسلم لي على راكان |
صح لسانك
يالجباري قصيده نقلتا لهذا الجوالجميل شبة الضو والقهوا والخير أبدع شكرا لناقل هذا الإبداع وتقبل مروري |
العفو جمره
نورتي الصفحه بتواجدج...... |
مجنون كيف ورتب الامر ترتيـب
حط البهار وريح هيلـه يـا زينـه صح لسان شاعرها وتسلم يمينك يا صافي الاحساس علىى نقل القصيده الجزله .. ....................... تقبل مروري : .................. علي ..................... الحصينـــي~ |
| الساعة الآن 01:56 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
