آه واقلبي اللـي يـوم همـه يلوفـه=لوف صاهود ابن لامي لجمع الحرايب
في نهارٍ على الفريس شـح معروفـه=لشروا بالمنايا سوق عوص النجايـب
من هنوفٍ على الشفقان شانت ظروفه=له ثمانين ليلـه دون بابـه طلايـب
كل ماجاني مرسول الهوى في حروفه=(قال ياسعود أحبك لو تزيد المصايب)
وأستباح الدموع وسل حالي شفوفـه=أمسي وأصبح وقلبي في زمهرير ذايب
العرب والحجاوي والزمان وصدوفـه=فرقت يابو طفره بين شمل الحبايـب

ليه ياسعـود ذكرتـم علـي النكوفـه=تو منها متشاوي وأنت عدت العطايب
مسرفنبي عام الأول وجدت اسروفـه=كن ماغاب من قافك عطيب الضرايـب
قربتنـي بهواهـا وأملكتنـي أكفوفـه=وطحت طيحت عقيدٍ في نهار النشايب
دون ذوده ثنا الركبه ولاهي مخلوفـه=جاد فيه الصواب وراحت أم الجنايـب
وراس تالـي عيالـه فارقنـه كتوفـه=ومات حضه مع أتلاهم عليه النصايب
من هنوفن تقول الشمس دونك كسوفه=أنت عمري وحياتي والأهل والقرايـب
وجرفتنـي بسيـلٍ بينتبـي جروفـه=يسقي روض المتيم سلسبيل السحايب
وأزهمتني وقالـت يابوطفـره بروفـه=مالك بخافقي لو شفت شقر الذوايـب
عشت قربي هنا جرب حيـاة الكلوفـه=أستلـذ بحياتـي لاصلتلـك اللهايـب
آه واقلبـي اللـي كـن دقـت بلوفـه=بلف هافٍ محمل من خبيث الجلايـب
أشعلوبه سلاح الحد وضاعت صروفه=والحق الهاف في قو التباديـل هايـب
وأزرت النار تلحق كود موخر رفوفـه=روح وركز بعجـه سكـون الهبايـب
خابرٍ حكـم شـرعٍ يعدمنـه سيوفـه=وجازمٍ لانجا رحمة جزيـل الوهايـب
ليت ياسعود فيما طريت عيني تحوفـه=وليت ابوها لي جدي مرجعه والصلايب
وكل همٍ لهمك يابـن عمـي نطوفـه=خايب اللي يشح بفزعته عنك خايـب
سقني قدمك وكل مخلب نبتر اغلوفـه=لين نجعل عدوك يابن قويعـان تايـب
وتصبح الجادل الطرقا مسوح وعطوفه=وأنت تارد بشرع الله زلال الشرايـب
جاك رد الذي ياسعود يمـلا غروفـه=يوم بعض البشر قافه يبي له طبايـب

صح لسان الشاعرين المبدعين

ولاهنت على نقلك للقصيدة

والله يعطيك العافية