ياعلّ نوٍ من المنشـا وميضـه سـرى=تدفه النـود ويـرص إبعضـه ويحـدر
يقبل ولا عقـب العـرق الموالـي ورى=تسكر هبوبـه ويـرزم راعـده ويخـدر
ويمطر على ديرةٍ للبل مسـاس ومـرى=وربيعها يشرح الخاطر ويشف الصـدر
ومع ذا وفيها لـحمـران النواظـر ذرى=شيخٍ على كـل شيخـان القبايـل نـدر
ومطير فـالأرض والراس الكبير إخشرى=من فيصل إليا العزيز لـماجد إليا بـدر
قول: الدويش وتلاشى في نظرك أومرى=وتروح كـل الأسامـي لاذكرتـه هـدر
وياهيه ياللي حمولك كبر هضبة كـرى=والعالم ازروا يفكونـك وحكمـك صـدر
عليك بـعيال ماجد وأبشر إبـما تـرى=اصغرهم اللي ليـا منـك نصيتـه قـدر
فكوا قيود إسجنا وأغنوا يديـن إفقـرى=ومن عاش معهم لقى جاه و وقار وقـدر
يلومنـي فـي غلاهـم جاهـلٍ مـادرى=لو شاف عبدالله و واجه سعـود وبـدر
ولو إن ما أحدٍ كتب مايمدي أحـدٍ قـرى=والله جعل ناس فوق وفيه نـاسٍ حـدر
يقولهـا شاعـرٍ كـم قلـدوه إشعـرى=من كثر ما ورد غبات البحـور وصـدر