|
قصيدة هزت الشباب والبنات ........
قصيدة من اجمل الاشعار...وزناً ,وقافية, ومعنى, وسبكاً.. ولكن للاسف لااعلم من هو شاعرها
مع التحية.............. يا بنت أرجوك أنا مأقدر كفاني ماضي الغلطات .................................................. ....أخاف الله يعذبني وأنا خواف يابنيه واخاف ابساعه اللذه يجينا هادم اللذات .................................................. ....ويأخذ من حشى جوفي بقايا روحي الحيه أنا ليّه ثمان اسنين وأنا مدمن على الشهوات .................................................. ....ديار الفسق حاستها مواطي تحت رجليه عيوني من كبر همي تخلط الدم والعبرات .................................................. ....مِسيل الدمع من عيني حفر بالخد ماريه صحيح إنك جميله بس تبنا من هوى الزينات .................................................. ....تركنا الحب غصب وطوع للعين الشقاويه يابنت أنتي على بالك أبأخذ من بنات الشات؟ .................................................. ....أجل مجنون أنا يابنت أشيل العقل بيديّه؟ ترى أكبر شيء يربطني مِعك جوال ابو شاشات .................................................. ....وهاتف ينقل أشواقي على نبرات سلكيه وترى كل العلوم اللي عطيتك بالهوى كذبات .................................................. ....وحتى دمعتي يوم الفراق الصعب كذبيه هذاك اليوم ماهلت عيوني لجلك الدمعات .................................................. ....لأن الدمع ماينثر بقصه حب وهميه أنا أضحك مِعك واضحك منك ..عليك أكثّر الضحكات .................................................. ....كأني بالهوى جني.. يعبي راس جنيه وأنا ماني بخكري يلبس القمصان.. والشرتات .................................................. ....ويفرح قلبه المسكين إذا حب الدوينّيه أنا من لابةٍ أروت ضمايا سيوفها الغزوات .................................................. ....خلاياجسمنا عاشت على دم القبيليه ودهنتي شعرك الاسود بألوانٍ من الصبغات .................................................. ....وعيت تقبل الصبغه ملامحك الخليجيه وحشرتي ردفك المسكين بالبنطال ..والجنزات .................................................. ....خلاقينٍ تصنّعها مزاجات اليهوديه عشاني ميتٍ في ثغرك الأحمر أبو لمعات .................................................. ....تحسبيني أبرضخ لك لأن إشفاك ورديه ؟ ورب الكون مأرضى فيك لو إنك شيخة الحلوات .................................................. ....وإذا صمل عليّ العلم أكب ارض السعوديه يابنت الناس عزك في سوادٍ يستر العورات ............................................ ....وعزي في شماغ أحمر.. وثوب أبيض.. وطاقيه سعوديين نفخر في عبايات السعوديات .................................................. ....نغض الطرف إجلالً إذا شفنا السعوديه وخليجيين نفخر في عبايات الخليجيات .................................................. ....نغض الطرف إجلالً إذا شفنا الخليجيه وتقبلوا تحياتي وسلامتكم منقولة |
القلم المجروووح لاهنت
وصح لساااااان شاعرها ولاتحرمنا من جديدك وشكرااا |
صح لسان شاعرها وسلمت يمينك على النقل ياقلم مجروح
بس اخووي مكانها مو هني مكان القصيده الشعر العام وشكرا |
اشكر اخواني راعي وجزاع على المرور
|
صح السان الشاعر وسلمت يمينك يالقلم في نقل هذه القصيده
|
صح السان شاعرهاااا وتسلم عالنقل |
سح السان راعي الكسيده وشوكرن على النقل
|
صح لسان شاعر القصيده المميزه..
ولاهنت اخوي العزيز على نقل القصيده.. |
صح السسسسسآن قآيلهآوتسسلم منـآـآك ’,
دآم ابدآعك ـك ـك |
| الساعة الآن 06:07 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
