ضيدان أنا أسمي دهام ما هوب فواز=أما أدعني يـا دهـام ولا بلاشـي
ما هوب حق تغير أسمي بلا أرماز=وأنا عذاب الخرب لا أقبلت حاشـي

لعيون بعض الناس سميت فواز=أسم يشابه لاسم صعب المناشي
اللي غلاه بثومة القلب حـزاز=تقبل له طعوني وتقفي عطاشي

ما أرضى تسميني عليها ولا جاز=تغيير الإسم إلا بذبـح الكباشـي
إذبح تميمه وأقلب الإسـم فـواز=إذا ذبحت الكبش ما صار ماشي

قلت فواز تكفى فكني بالتلعـواز=الحل عندي وأسمع العلم كاشـي
لازم تشوف اللي لها القلب ينحاز=عقب (ن) تجي فواز ولا شلاشي

يالله مشينا والعمـر يبغـي إنجـاز= ما نجـز بالهـدي ولا عراشـي
قم جهز اللـي ذاخرينـه وممتـاز=وعلي الطلاق إن عزبته من معاشي

أنا أشهد إني يابن قضعـان فـواز=واني بعد فـواز جانـي خراشـي
ياحظ قلبك يوم فـي حبهـا حـاز=كحيلـة مـا عاشـرة كـل لاشـي
ياليتني رجلٍ لـو أمشـي بمعكـاز=وأنخاك وأنخى مبعديـن المعاشـي
وأنهض لطيف الروح وأجلا لشيراز=وأقضي بقايا العمر ما أحتر جاشي
في شرع أبن حنبل بتأكيد ابن بـاز=معروف راعي الحب قلبه هشاشـي
وأنا لوصل ملـوع الشيـخ معتـاز=أعوز من فراق السبوق الرواشـي
أبـا أتمنـى والتمنـي بـه الغـاز=ياليـت جنحانـي لخلـك فراشـي
أو ليتني بيجر على الورك هـزاز=ولا قلـم بيـن الجسـد والقماشـي