|
حبه يخج القلـب مايوجـع اوجـاع=لاشـك قلبـي مودعـه بـيـت نمـلـه
الشاعر فهيد بن عويد المجماج من فطاحل الشعراء ولكن للأسف فقد الكثير من شعره ومن قصائده المشهور هذه القصيده التي يصف فيها نزول الباديه وترحالهم مع اماكن الربيع 00
لا والله اللـي شـدوا البـدوا نجـاع=وكـل هـدم مبنـاه وارتــد زمـلـه شد الشديد وقوضواعقـب مجمـاع=وراع المـوده فـرق البـعـد شمـلـه شدوا ودنـوا للحنـي كـل مطـواع=كـل اشقحـن يعجبـك لاشـال حملـه غدا لهم دون الرفيعـه تمـزاع=كـل بغـا درب عـزل وانقسـم لــه اقفوا كمـا نـوٍ نثـر مـاه وانـزاع=برقـه يرفـرف والسـداء يرتـدم لـه يابكرتاه اللي غـدت بيـن الاقطـاع=ويابعـد دورتهـا علـى اللـي جهملـه مدري مع اللي يم دخنه بالاسماع=والا مـع اللـي سـنـدوا مستهمـلـه ماهيب لاحـاش ولاهايـب مرجـاع=عفـراء فتـاه وراعيـه مـا وسمـلـه ياغصن مـوز ناعـم لـه تمريـاع=منيـن ماهـب الهـواء مـال حمـلـه راعي هدب عين مضاليل ووسـاع=خـرس اعيونـه والمحاجيـر جمـلـه عليه ماوقفـت اعيونـي بالادمـاع=هجس يلحقنـي علـى الطـول سملـه اعوي اعواء ذيب ورى النزل لاجاع=يقنـب ليـن الله يجيـب اللحـم لــه يامل قلب من هوالزيـن ينصـاع=كمـا يصـوع الصيـد رام خطمـلـه حبه يخج القلـب مايوجـع اوجـاع=لاشـك قلبـي مودعـه بـيـت نمـلـه |
الله
تسلم يالغالي على هالاختيار الرائع تقبل تحياتي وتقديري اخوك |
دايما جزل بختيارك بو محمد ولك وحشه ما شفناااااااك الله يسعد ايامك ويوفقك وترجع لنا وترجع لديرتك تقبل ردي وودي |
فهيد المجمااج
للاماانه امس بحلقه شااعر المليوون شدني هالاسم فهيد ابن مجماااج اول مره اسمع عنه ؟؟؟ والبيت الي ذكروووه وهوونفس اخياار ابوومحمد . ابوو محمد اختيااراااتك جزله عسااك قوي اخووي |
شكرا لحضورك الجميل هنا والمواضيع الاخري 00 تحياتي-------- |
إختيار جميل من أخ ومشرف كبير.
تقبل مروري وإعجابي وتحياتي. |
ابو محمد
مساك الله بالرضا والسرور ..... اخي لاهنت على النقل للشاعر الجزل وصح السانة والسانك ويعطيك الف عافية ........ قصيدة جزلة ومعبرة ومفردة اجمل تقديري وتحياتي اخوكــــــــــــــــــ سلطان الجبلي |
ياهلا ومرحبا فيك دايم واصل تحياتي 00000000000000 |
| الساعة الآن 07:12 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
