عبدالكريم الجباري .. والجبلان
 

سلام عليكم ورحمة الله وبركاته




واليكم القصيده



من شاعر المبدع


عبد الكريم الجباري الشمري






يقول الي تغنـى فـي كلامـه
عرفت ان الليالي شبه خامـه

تروح وتنطوي والعلـم يبقـى
اذا كان الـردى والا الشهامـه

ابقصد واعسف القاف وبغنـي
ولا مريت من جرف العدامـه

انا اصعد من طويله لي طويله
وعلى شعري مواثيق وعلامه

ولا طقيتهـا فـي كـل حاكـم
ادور حاجة البطـن وطعامـه

انـا غنيـت للطيّـب وطيبـه
واكرّم من تحق الـه الكرامـه

على الجبلان وجهت القوافـي
لعنـه الله مـن زت الملامـه

هذولـي لابـة الجبـلان والله
لهم قدر الجبـاري واحترامـه

هل الردات مرويـت الهنـادي
عوايدهـم يفكـون الجهامـه

يسفون الهـوى زود الطناخـه
يبون التاج هاويـن الزعامـه

الا منه نخاهـم مـن نخاهـم
يذبـون الطواقـي والعمامـه

والا من قال ابن لامي مشينـا
تحزم كل رجلن فـي حزامـه

يجون الموت مايدرون وشهـو
يبون امن الجمل عالي سنامـه

نعرف فعولهم والناس تـدري
واظن النـور جلايـن ظلامـه

وعليك بديرة الصمـان تشهـد
وتشهد نجد مـع وادي تهامـه

وتشهد ديرة العارض كلامـي
عن الي مر في قاع الثمامـه

ويشهدلي نهر دجلـه والاردن
من بلاد الشريف لحـد شامـه

واذا جت للكرم ادخل علـى الله
تسر الضيف في سفحت يدامـه

ترحب من قبل عرف الطراقـي
مع حلو النبـا زود ابتسامـه

انا خاويت منهـم كـم واحـد
وهاض القلب ثم وثق كلامـه

عرفت عيـال بتـال العنانـي
ياجعل النار ماتلمس عظامـه

وشفت المرجله ربـي يقاهـم
من عيون الحسود ومن سهامه

يعل الـي حمـل فيهـم يخلـد
على الفردوس في يوم القيامه

يقوله شمري جـاب الحقايـق
على الجبلان قد وجه سلامـه

ونعم بالجباري ويستاهلون عيال البتال. واتمنى من احد المشرفين العامين تثبيت هذه القصيدة. او اي شخص له علاقه بهذا القسم,

وصح لسان الجباري وتسلم يمينك على نقلك لهذه القصيده.

لاهنت اخوي فووواز وصح لسان الشاعر

ما قصرت على ايرادها هنا مشكوور عساااك على القوة

تقبل مروري وتحياتي

اخووك

الجارح

العفو وحياكم الله ونورتو