رسول طيرلي عطانيه نواف=في مربطك يالقرم صونه وداره
خلك معه وافي ووالم ومزهاف=في حاجته قلبك سريع افتراره
احرص وداره لينه اسهيل ينشاف=ولامن كمل ريشه تجيك البشاره
اليا سمر نون به البرق كشاف=وامسى يخيله من شقى بالصقاره
ابنقله واضرب صحاصيح واقفاف=وادله معه وانسى هموم الحضاره
اسجبه وارقى على راس مشراف=واقدره حيثه رفيعن وقاره
الطير حبه مسرف بحالي اسراف=واشلون لاجا من بيوت النداره
لاصار حر ومرسله نسل الاشراف=ابن الشيوخ اهل الوفا والصداره
يوم الليال الاوله شهب وعجاف=ألهم على جمع المعادين غاره
اخوان جوزا يوم للخيل محراف=المجد نالوا ذروته مع شعاره
لاهاب من قلبه رعاعن وخواف=راسين مثل اطويق قاره وقاره
متوارثين الطيب من دور الاسلاف=للطيب طيب وللنعاره نعاره
واليوم يهدون الجزيله والاولاف=اردا عطاياهم خفيفن طياره
اشق ظهر عاري غواطيه اسخاف=متخالطن فيه البياض وحماره
ملموم عرض وطول من قدم واخلاف=عنده على صيد الحباري جساره
ابيه لاقالوا على الصامل ارداف=اليا رقى فالجو خرب الحباره
لاساق راع الجيب والشاص والهاف=وراح يتعقد كنه طلاب ثاره
اليا علق في منكبه جابه اكتاف=كني ملكت صكوك برج التجاره
الدم من مضرب كفوفه له ارعاف=عطيه اللي ماحسب للخساره
نواف ابن ماجد اخو بدر نواف=ابن الدويش اللي عليه الاماره

الله لا يهينك يا سعود على نقلك للقصيدة

وصح لسان الشاعر

تقبل تحياتي