::منتدى الجبلان الرسمي:: - يا صغير لا تفلسف

يا صغير لا تفلسف .. منت قد الإرتجال
لو وصلت لبرج بابل في ديار الرافدين

تبقى في نظرة عيوني .. زي حبات الرمال
يعني الله لا يهينك .. وين انا.. شف وانت وين

الشعر نجدي .. ولكن .. طـوعة جن الشمال
يعني سبعين الف جني .. حولنا متواجدين

قُم ولاءً للمعلم .. يعني توقف بإعتدال
والا في صح العبارة .. منت قد معلمين

زي نص المسرحية .. شفت عادل كيف قال:
ثكلتك بنت عمة جدة امك ... أُل أميــــــــــــن

قال: ممكن .. قلت: ممكن .. بس يمكن ذي محال
ربما تفهم .. ولكن ربما .. لا تستبين

التمدد والتقلص من علوم الإختزال
والكثافة نسبة الما ... تحت ضغط الأكسجين

وإنعدام الجاذبية ... يعني قطع الإتصال
والتسامي علم سامي ... ت.. بعده حرف سين

وانقسام أيت خلية .. من خلية .. انفصال
زي ( دُلي ) شفت كيف استنسخوها مرتين ..!!!!

وانصهار الثلج ... يعني ذااب يا ولد الحلال
تدري ان الما أساساً .. اكسجين ... وهيدروجين

والذي ممنوع صرفه .. بالنحو سموه حال
إسم إنَ ... أو لأنَ ... زي كيفَ ... أو لأين

يعني لو قمت اتفلسف ... منت قدي بالهبال
فلسفة شاعر .. ولكن ... فلسفة شاعر ذهيـــن

كان ودك بس تفهم فلسفة شعري تعال
وش يسمون إنحراف المركبة ذات اليمين ؟

قال: مالت قلت مالت ... عليك من الخبال
ما فهمت اللي نويته ... يا لخبل منت بفطين

اضغط انتر في جهازك ... ينكتبلك حرف .د.
حط ...ل.. وحط .. خ.. واضغط انتر مرتين

يطلع اسمك اكتروني دلخ أقرب إحتمال
كان تسمع بالذهانة يالغبي طحت بكمين

كل هذا ماهجيتك هو مجرد إرتجال
وكان دوخك إرتجالي يمدحون الإسبرين

لو جمعت جيوش شعري كان سويت إحتلال
بس ماودي أغامر .. حشمةٍ للحاظرين

بس ياويـــــــلك لــوني واصلٍ للإنفعال
كان هالصدر الشمالي .. ضاق بالمتواجدين

تدري ان اكبر حماقة ... لا توهمت بخيال
زي من يزرع بطاطة بين ورد الياسمين

يعني اسكت ... لا تفلسف ... دام باقيلك مجال
يمكن ... أحياناً ... يكون الصمت رحمة والدين

ألرجولة للصغير .. رمزها لبس العقال
والكبير اللي جهلها .. قال فتل الشاربين

الرجل يلبس قلادة .. ويتغنج .... انحلال
وقصة البنت لشعرها ... عادة المستخوجين

والسذاجة .... والسماجة .... أسئلة .. داخل سؤال
من حدود البرتقاله لين توصل بابا فين

:jj::jj::jj:
اتنمى ان ها القصيدة تعجبكم