|
((...قـصـيده فــي مـدح القـــبايـــل...))
بـــســــم الـلــه الرحـمن الــرحــيـم قصيده في وصف القبائل للشاعر / لفيصل الرياحي البقمي : قبأيـلٍ تسكـن بشـبـه الجـزيـره = جزيـرةٍ تبهـر عريـضه كبـيـره والكـل منهـم لـه منـازل وديـره = من ساحل الأحمر ليا ساحـل عمـان ================= منهم"عتيبـه"نـع ـم والله عتـيـبـه = قبيلـةٍ بـيـن القبـايـل عريـبـه أمجادهـم تعـرف ولاهـي غريبـه = ليا حل طار المجـد يطرون عتبـان ================ ومنهم بني الحارث هل المذهب الزين = كسابة القاله علـى العسـر و الليـن تاريخهـم معـروف ماهـم غبيين = وا لنعم يإبن الحارث طيـور حـوران ================== ومنهـم "سبيع"ونعـم بسبيـع دايـم = تاريخهم يشهد لتهم فـي القـدا يـم نقـول حـق ولا نحـب ا لظـلايـم = يستاهلـون المـدح والنعـم سبعـان ==================== و"غامد" ونعم بغامد اهـل الشكالـه = قيـف شجيـع كـامـلات خصـالـه الطيـب فيهـم والكـرم والبسـالـه = الاّ وفي وقـت المحاضيـر شجعـان ===================== و"قحطان" ساس الأصل نعـم القبيلـه = أفعالهـم مـن غيرهـم مستحيـلـه بالطيب عـدو كل عيطـاء طويلـه = وا لنعـم والله ياصناديـد قحـطـان ====================== والنعم "با الاشراف" نسـل الصحابـه = الديـن فيهـم وا لسخـاء واللبابـه والعرف والمعروف شـدوا ركابـه = والنصح والارشاد عن كـل عصيـان ====================== وأولاد وائــل نـعـم والله قبيلـه = أهـل الفعايـل والعمـوق الاصيـلـه منهـم ملـوك يكسبـون ا لنفيـلـه = اسم(عنزه) في قمـة المجـد عنـوان ===================== و" شمر" ليـا عـدت فعـول النحايـا = وا لنعـم والله يـارجـال ا لطنـايـا حمأيـة القالـه سـهـوم المنايـا = نقولهـا فـي حقهـم سـر وإعـلان ==================== والنعـم "للعجمان" مافيـه معـروف = قول وفعل ما تنفع نقـاط وحـروف مجـدٍ تعـلا كنـه سهيـل مشيـوف = دليلنـا في مدحهم فعـل راكــان ===================== و"مطير" حمران النواظر هـل الجـود = تاريخهم من قبل واضح و معـدود مجـدٍ مثبتـة براهـيـن وشهـود = ماينجحـد مجـد وأهاليـه مـطـران ==================== ونعمٍ "بحرب" ليا طرا طاري الأمداح = أهل ا لموا قف كل ماصـاح صيـاح حرابهـم بالنـوم ماهـوب يرتـاح = من ضيمهم مايمـرح الليـل سهـران ==================== و "سليم" أهل مجد مسجل بالاسطار = ذربين أهـل قالـه وبالعـرف شعـار وأظن هرج ا لصدق مايقبـل إ نكـار = أخذ الأدب والعرف من روس سِلمان ===================== وجمع "الدواسر" ما بهـم قـول قايـل = دوسر جمل يشتـال كـل الثقايـل باسمـه تسمـوا والفعايـل دلايـل = غـدران مـوت ماتحلـى بـغـدران ====================== و"بني تميـم" اللي فخرهـم مقيمـي = ود ليلنا قول ابـن صقيـه ا لتميمـي يدري بهم مـن كـان قلبـه فهيمي = أ خبارهم شاعـت لحضـر وبـدوان ===================== وأيضا "بني خالـد" عـذاب العنيـدي = جو من سلالة "خالد ابـن الوليـدي" قـول محقـق مانقـول ا لسريـدي = نقرأ ونبحث لين نـدري بمـا كـان ===================== و"زهران" جن الحرب يـوم الحرايـب = اللي طعنهـم يـودع ا لدم رايـب هبت لهـم مـن كل طيـب هبايـب = وا لنعـم والله يارجاجيـل زهــران ======================= و"عسير" عسرين علـى كـل طماع = سباعٍ تعشي سبـاع الأقـذال بسبـاع السيـف بيديهـم مخلـد ومـطـواع = ورمـاه ليـا رد النظـر لام نيشـان ======================= وشهران مشهورين والجد شاهر=الكل منهم فالمهمات ماهر طيب ليا عدوا هل الطيب ظاهر= معروف مايطويه بعد ونسيان ====================== و"بالقرن" قرن الموت شرابـة الـدم = حرابهـم يسقونـه الصبـر والسـم في رؤسهم شيمـه وعـادات ولـزم = ما ينحصي تعريفهـم عبـر قيفـان ====================== وأيضا "بنـي مالك" ذكرنـا فخرهـم = الطيب طوع يـد ينهـم ماعسرهـم ليا ماجت أمواج البحر مـن بحرهـم = بحر يكز الموج مـن غيـر جيـلان ======================= والنعم "بالأحمـر" علـى كـل حالـي = في كل صعبـات اللـوازم رجالـي شوامـخ ماهـم بجـرف هيـالـي = كسبان ياحايز علـى المـدح كسبـان ===================== و"شمران" ليا شمر عن الساعد الثوب = حرابهم يقفـي مـذ لـل ومرعـوب كم كدروا يوم الكـدر كل مشـروب = ياهل الوفاء محد جحد فعـل شمـران ====================== والنعم"بالأسمـر " ليـا حل طـاري = شمعة فخرهـم ماذرتهـا ا لـذواري يروون صفحات القنـا و الشبـاري = ويوردون ا لسيف لاصـار عطشـان ======================= وصبيان"يام" أهـل العمـوق العريقـة = ستر ا لظعن يـوم الايـادي طليقـة ما تختفي عن عيـن عاقـل حقيقـة = يام ا لحرايب يوم سوقـات الاظعـان ===================== والنعم والله فـي رجـال"ا لشـرارت" = الطيب له فيهـم مواري وأمـارات أهل ا لمراجل يـوم الأيـام عسـرات = الكل منهم يجلـب ا لـروح قربـان ====================== أيضا" بني هاجر" كفـوف الأسـودي = يثبت لهم في كـل عليـاء وجـودي قول عليه الفعـل الأبيـض شهـودي = وا لصـدق قايد للمعانـي وقبطـان ======================= ونذكر " بلي" بلواء على كل عاصـي = ليا جاء نهار فيه شيـب ا لنواصـي رجالهم ينطـح خشـوم ا لرصاصي = ليا طار ستر ا لوجه عن دعج الأعيان ======================= وأيضا "جهينه" عزوة باسهـم بـاس = نطاحة ا لغاره علـى قـب الأفـراس أمجادهم من يوم خلقوا علـى سـاس = بيت جويـد مـا نخلع فيـه بيبـان ====================== وأيضا"السهول" لهم مواقف وتشجيع = يطوعـون ا لـضـد لازام تطـويـع ويقال عنهـم ا نهـم حلـف لسبيـع = ذولا وذولا نعـم وافـين الأفـنـان ====================== وأيضا "الظفير" أهل الظفر والمدايـح = يوم الثميـدي مثـل وبـل الروايـح ارجـال مافيهـم غمـوز وقـدايـح = منهم زبون أهل لمقاصيـر "نومـان" ======================= وسفيان من قبل النبـوه لهـم بيـت = صحيح لاأ ز ل بكلامـي ولاأخطيـت قريت في كتـب التواريـخ وأوحيـت = سفيان سلسلة العريب ابـن سفيـان ======================= و"طويرق " أهل الشيمـه المستديمـه = وأهل الوفاء وأهل اليديـن الكريمـه للجـار عـز وللمـعـادي هزيـمـه = أقولهـا مانـي بـراعـي تـلـوان ======================= و"هذيل" أهل غيره ومذهـب وجيـره = وميزاتهـم مـن غير هـذا كثيـره وليـا قـدح للحـرب قـادح ذخيـره = تلقـى مقاديـم الرياجيل هــذلان ====================== و"قريش" مجـد قريـش كـل درابـه = قوم الرسول وقوم بعض الصحابـه ومجد تعـدى الهاشمـي وشنبابـه = اللي من قلـوب البشـر زال الأدران ==================== و"ثقيف" مـا يحتـاج نذكـر فخرهـم = ما دام "ابن يوسف"على طول منهـم يكفيهـم "الحجـاج" مجـد شهـرهـم = بالكتب والتاريـخ فـي كل ديـوان ======================= و "بني رشيد" مـن القبائـل يعـدون = ليا جت مجـالات المواقـف يبـدون يبنـون بنيـان الفخـر مايـهـدون = واللي نقدهم مامعـه علـم بخصـان ======================= ونذكر "بنـي مـره " ونعـم آل مـره = للجـار عز واللمعـادي مـضـره واليـوم فـي نعمـه وسـره وقـره = بين الثلاث اللي خذتهـم بالأحصـان ===================== و"أكلب" هل الطالات وأهل النواميـس = إمسيسـن بدوحـة المجـد تسيـس كلامنـا مابـه مجـامـل وتلبـيـس = والقول لاسلم الغـوى والخطاء زان ================== والمعـذره يـا واسعيـن المعـرفـه = إن غاب عن تفكيري أحـد ماعرفـه للشعـر تصريـف وللهرج صـرفـه = ولاينتجازى الناسـي إلا بغـفـران م ن ق و ل |
و"مطير" حمران النواظر هـل الجـود = تاريخهم من قبل واضح و معـدود مجـدٍ مثبتـة براهـيـن وشهـود = ماينجحـد مجـد وأهاليـه مـطـران ونعم في باقي القبائل فهد طبت وطاب منقولك اشكرك |
حياك الله منور الموضوع ياولد العم... اسعدني مرورك :)
|
الف نعم فيك وبقايل القصيده
واشكرك على ذائقتك الرائعه اخوك بن معرقب |
ماعليك زود يابن معرقب:)... اسعدني مرورك المميز
|
صح لسانك عزالله ماقصرة
|
صح بدنك ياهلا ومسهلا فيك اخوي الحطاب .... اسدعني مرورك :)
|
| الساعة الآن 04:20 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
