|
{ .. لا صار قلبي لك وطن .. أبسألك وين الولاء ..؟
http://www.arb-up.com/files/arb-up-2008-1/aqj04353.jpg قبل أبتدي عندي طلب ركِّز طلب ماهو " رجاء " ! ما أبي تجاوبني .. ولا تستغرب إني أسألك لا تنصدم من عزلتي حالي مثل : أبو العلاء عندي سبب : ما تستحق إنِّي أجيك و أوصلك لا تعتبر جمر الحكي من شاعرك يعني " هجاء " لو كنت بهجي حضرتك ما خفت منِّك .. قلت لك ! هذي القصيده مصنِّفه في دفتري قصة " رثاء " حبٍ يموت وتنولد .. وحبٍ يعيش ويقتلك ! ناديت لك ياما .. ولا لبِّيت لي , وضاع النداء ! مبحوح صوتي والصدى من كثر ما ناديت لك ! أقرب من ثيابي علي وأبعد من نجوم السماء ورغم إبتعادك والتعب ..أرسم طموح وأمهلك .. ما كنت لي الداء وأنا ما كنت لـ جروحك " دواء " .. ما عشت في دنياي لي !!عايش ولكن عشت " لك " ! علمتك القلب الوفي .., ما يخذلك فيه " إنتماء " ! وعلمتني كيف العشم في من تحبه .. يخذلك !! علمتك إن أصل الهوى يرجع لـ كلمة " إحتواء " ! وعلمتني إن الهوى , ما عاش يوم بـ داخلك ! علمتك إنِّي لك بحر [ مدَّه وجزره ] لك وفاء ! وعلمتني كيف أنصدم وأغرق أنا في ..ساحلك ! ما تستحي ,, ودامك كذا ؟ - إفعل حبيبي ما تشاء ! توِّي عرفت إنِّي كثر ما أعْرِفِك .. كنت أجهلك ! ما كان قلبي بس لك وقلبك لعب دور الدهاء ! وما كنت لك أقرب من أنفاسك وأقرب من هلك ؟! ما عاد تفرق غيبتك أو رجعتك .. عندي سواء ! كنت إهتمامي ورغبتي .., والحين دوري أهملك ! لا صار قلبي لك وطن .. أبسألك وين الولاء ..؟ وشلون حال المملكه ؟ - دام الخيانه من ( ملك ) ! إن كنت جاهل ..! " لعبتك قلبي " وما فيها ذكاء حتى الطفل إن جبت له [ لعبه ].. - ولاءه صار لك ! قبل أنتهي عندي - أمر ما هو طلب وإلا - رجاء .. لا يشغلك ماضي إنتهى .. ركِّز علـى " مستقبلك !!! أحمد الصانع |
اختيارات جميله
لا هنتي على الاختيار |
هلابك
منور شجاع |
صح السانج
والسان شاعرها وشكرا علي نقلج القصيده |
صح بدنك
هلابك منوور اخوي فواز |
علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !! علمتك إن أصل الهوى يرجع لـ كلمة " إحتواء " ! وعلمتني إن الهوى , ما عاش يوم بـ داخلك ! علمتك إنِّي لك بحر [ مدَّه وجزره ] لك وفاء ! وعلمتني كيف أنصدم وأغرق أنا في ..ساحلك ! الله عليج يا جنون مطير علي هالاختيار ما اقول الا طبت وطاب منقولج,,, |
تسلميييييييييييييين
منورة يالغلا |
لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) ! الله روعه سلمتي والله خيتو جنون عالقصيده وصح لساااان شاعرها تحياتي وتقديري اخوك الجارح |
هلا مليييييييييييون
منور الجارح |
تسسلمين .. ربي يعطيك العافيه
ابدعتي بهيك اختيار |
| الساعة الآن 09:41 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
