|
الشاعرة نورة بنت حوشان !!
السلام عليكم ورحمة الله وبركاته
قصة وقصيدة..ياعين هلي صافي الدمع هليه.. هذي قصيدة خالدة للشاعرة عظيمة ظل الناس يتناقلها لفترة طويلة من الزمن ،بل ان بعض ابياتها اصبحت حكمة ومثل،وهي من اروع وأصدق القصائد العاطفية على الأطلاق واكثرها رسوخاً في الأذهان للشاعرة كبيرة لها العديد من القصائد والتي للاسف كان الزمن كفيل بضياعها والبعض الاخر تعرض للسرقة، وحتى هذه القصيدة لم تسلم من السرقة. الشاعرة نورة بنت حوشان بن علي بن دخيل الله الرشيدي عاشت في الفترة مابين اواخر1800 ميلادي_ الى أوائل 1900 ميلادي. قصة القصيدة: وقع خلاف بين الشاعرة وزوجها عبود بن علي بن سويلم الشلواني العازمي أدى إلى طلاقها طلاق لارجعت فيه وبعد طلاقها رفضت الكثير من الراغبين الزواج منها، وكانت امرأة تتمتع بالجمل والأخلاق ومن عائلة معروفة ومحافظة، لكنها رفضت جميع من تقدم لها. وذات يوم كانت تسير بصحبة أولادها (حوشان، وسارة) ومرت على طريق يمر بمزرعة مطلقها ورأته فوقفت على ناصية المزرعة وانطلق الأولاد للسلام على ابيهم وبقيت تنتظرهم حتى رجعوا ثم واصلت مسيرها.. وقد تذكرت ايامها وكيف كان الحال وماوصل اليه ثم صورت ذلك في قصيدة خالدة منها هذه الأبيات:- ياعين هلي صافـي الدمـع هليـه واليا انتهى صافيه هاتـي سريبـه ياعين شوفي زرع خلك وراعيـه شوفي معاويـده وشوفـي قليبـه مـن اول دايـم لرأيـه نمالـيـه واليـوم جيتهـم علينـا صعيبـة وإن مرني بالدرب مقدر احاكيـه مصيبة ياكبرها من مصيبة اللي يبينـا عيٌـت النفـس تبغيـه واللي نبي عيـا البخـت لايجيبـه :) |
اللي يبينـا عيٌـت النفـس تبغيـه
واللي نبي عيـا البخـت لايجيبـه فهد الجبلي أحييك على اختيارك الاكثر من رائع(^_^) |
يعطيك العافيه
زيــن انك كتبت موضوع عنها لاني كنت قبل شوي واحد قالي اسمها ويوم سئلته شتبيع قالي مدري <<<عرفته |
فهد الجبلي
والله اني صارلي كم يوم وانا اردد البيت هذا اللي يبينـا عيٌـت النفـس تبغيـه واللي نبي عيـا البخـت لايجيبـه امتعتنا بالقصه والقصيده الجميله لك كل الشكر تقبل تحياتي الملعبي |
اللي يبينـا عيٌـت النفـس تبغيـه
واللي نبي عيـا البخـت لايجيبـه صح لساانهاااا واحسااسك اخوووي فهد داائم اسمع هالابيات بس اول مره اعرف قصتهاا شكرااا على هالمعلووومه وعسااك قوي |
اااخ يالووووف قلبي لوفاااااااااه
وربي هيظتوني بقصايد عابرة سبيل واللحين موضي الحوشان هذي من اجمل القصايد لها وانا محتفظه فيها عندي وسمعت قصتها كامله لبرنامج الراوي وكانت تحب زوجها حييل بس لخلاف وقع بين الزوج والاخ اثر على حياتهم فلما كانت ماخذه عيالها بتسير على بيت احد من اقربائها مرت على بيتها واهي تطالع والا زوجها قاعد يمالي البير وقفت اتخايله من بعيد واهو شافها فلما اقبل عليها قالت لعيالها هذا ابوكم روحوا سلموا عليه فايوم دعاها انها تجلس تستريح ماردت عليه وظلت بمكانها واقفه وعقبه تذكرت ايامها معاه وكتبت هالقصيده وقال الراوي ان زوجها حاول يردها اكثر من مره ورفضت ! مع انها تحبه حييل وخطبوها ناس شكثر ولاكن رفضت <<<<< طيب دامنج تحبينه رديله ليش يباسة هالراس المهم المره ماتت وماردت لزجها ومشكله البدويه لازعلت زعلت على قولة حامد زيد رحت اقايس قيمتي عند ابدويه رجعت لي كل عرج حبها ولانهبها |
بس فيه شغله انا مـتأكده ان الراوي قال اسمها موضي بنت حوشان مو نوره
حتى خزنتها بجهازي بأسم موضي الحوشان |
سلمت يمينك اخوي فهد على النقل والاختيار
اما بالنسبة لاسمها ياخت دمعه فهي نورة الحوشان من أهلي بلدة المذنب بمنطقة القصيم, أما حول انها تنتمي لقبيلة بني رشيد فأنا غير متأكد من ذلك , لأني كنت أملك معلومه مخالفة لهذه المعلومه وسأتكد من ذلك ان شاءالله. |
لا انا سمعته من الرواي يول موضي الحوشان العازمي
هذي انا متأكده منها وخزنت اسمها بجهازي |
اللي يبينـا عيٌـت النفـس تبغيـه
واللي نبي عيـا البخـت لايجيبـه دايم نكرر هالبيت لكن اول مره اعرف منو صاحبته كل الشكر علي المعلومه والقصيده الجميله |
| الساعة الآن 02:25 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
