|
قصـــــة حياتي ,,,,,,,,,,
الـــســــــلام عليكم والرحمـــــــــــه
صبحتم بالخير ياعضاء منتداي الغالي خرجت اليوم من عالم النت الساعه الخامسه والنصف لاذهب الي عالمي الخاص والمفضل! وهو عالم الاحلام وكالعاده دخلت في صراع طويل مع النوم دون جدوى احاول النوم ولكن بدون جدوى فخرجت هذي الابيات التي اتمنى ان تحوز لو على القليل من رضاكم واتمنى ان تبدون ملاحظاتكم فيها هي فالاخير مجرد احاسيس ومشاعر اطلقت عنانها محاوله لئن اطير في سماء الشعر وقد تترجم واقعي,,,,,,,, قــصــــة حياتي بهذي الدنيا عجيبـــه ------------------------------ محدن سمع فيها ولحدن بمثلي شاف دمعة حزن دمعة غلا مني سكيبــه ------------------------------- دمعة رجا دمعة محبه بالاسراف اجروح قلبي من زمانن عطيبــــه ------------------------------ داريتها بدموع عيني بدون اوقــاف واشعلت في جوفي ضلوعن حطيبه ----------------------------- نيرانها صبرن حرق قلبي الجــاف يالله يلي بقدرتك تقدر تجيبــــه --------------------------- قدرتك ربي بين نونن وبين الكــاف خليتني مابين خلق الله نصيبـــه --------------------------- وارضيتني بقربه وحققت الاهداف لكن شياطين البشر منا قريبــــه ----------------------------- دبرة حسودن من غضب ربه ماخاف يالله انا من كيدهم مستصيبه ----------------------------- راح وتركني غصب لكنه ماعـاف واشغلت انا بالي بهمن مشتقيـبه --------------------------- طافن سنين عمري والهم ماطاف يالله انا ارجيك ليا تجيــبـــــه ----------------------------- واحكم بعدلك في حياتي بالانصــاف واجعــــل حياتي بقربهم تهتـنيـبـــه |
ياسلام يادمعه
منتي هينه طلعتي شاعره كلمات حلوه واحساس جميل معنى رائع وتنسيق اروع اسجل اعجابي تقبل تحياتي الملعبي |
واشعلت في جوفي ضلوعن حطيبه
----------------------------- نيرانها صبرن حرق قلبي الجــاف ؟؟ دمعه احسااسك طااغي بجد واعجبني جدااا جدااا بووحك يالغلاا ماني خبيره باموور الوزن لمن الاحسااااس وصل اختي الغاليه ربي يسعدك ويكفيك شر النااااس وينوووول قلبك مرااده |
دمعه ناقه
صح السانج ليه هالحزن من الصبح الغالية.... ,,,,احساسج حلوو ولكن حزين,,,, |
من أصدق وأمل وأروع النواع الشعر , هو النابع من الوجدان.
ففي هذه الأبيات التي كتبتها أختنا دمعة ناقة يتضح بأنها تحاكي واقعا تعيشة وإثباتا لمصداقية هذه الأبيات نجد الأاجادة بالوصف والتصوير والدقة بكل بيت. صح لسانك أختنا دمعة ناقة, مع دعواتنا الصادقة والنابعة من القلب أن ييسر الله أمورك, وأن يحقق أمانيك ويسعدك. |
الاخت ( دمعة ناقه ) بعيدا عن البحور الشعريه واوزانها صح السان شاعريتج ونبض احساسج الصادق في هذه الابيات مافيج حيله :) تقبلي مروري المتواضع \ ابن سمدان |
صح لسانك يادمعه
احساسك واتقانك شي ماعنه مصده للامام يالشاعره بن معرقب |
دمعه
صح اللسانك صدقيني يادمعه فعلا القصيده قصيدة مبتدئ ولكن تملكين احساس جميل يعجبني انا كا متذوق يالله انا ارجيك ليا تجيــبـــــه ----------------------------- وتحكم بعدلك في حياتي بالانصــاف جميل يامبدعه والله يوفق لك امورك ويرد لك كل غالي اعيد وقول صح اللسانك والى الامام دوما ونحن معك الى ان تصلين كنت هنا |
الملعبي , جمرة مطير, مطيريه ,بعيد الهقاوي, ابن سمدان, بن معرقب , وابن عمي البريهي جاسم المطيري :)
اشكر لكم مروركم الكريم وتعليقكم الي اسعدني بجد اسعدني تواجدكم عساني ماخلا منكم تحياتي للجميع |
صح السانك قصيده مليئه بالمعاني
*** لي عوده مع هذه القصيده ............. فـــــــــــلاح الحـــصــــــــيـــنـــي |
| الساعة الآن 08:29 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
