قصيده موجهة حق سعاد
 

للشاعر:الخريصي

سعاد هذي حيلتي غيـر القصايـد وش تبيـن
وكم اغنيه رددتها يالله عسـى ترجـع سعـاد
ياشامخه خلـك كـذا فـي عزتـك لاتطلبيـن
حبيبتـي لا تحتريـن الدمـع بعيـون الجمـاد
والمشكله من علمونـي كيـف احبـك كاذبيـن
ماعلموني كيف انسـا دمعتـك وقـت الرقـاد
سهران انا والي عطوني درس حبـك نايميـن
هم مهتنين بنومهم وانا تعبـت مـن السهـاد
قولـي صراحـه ماتبيـن ومننـا لاتستحيـن
اشوف بعيونك عتاب الزرع لسـراب الجـراد
قولي لهم لو يزرعون الشوك ينبـت ياسميـن
والياس مين الي غرسه بداخل قلـوب العبـاد
تعبت يا ام المدائـن انتضـر طـول السنيـن
والمشكلـه ليـلا بعـد راحـت وتتبعهـا وداد
ليلا حكاية الف ليلـه مـن حكايـا العاشقيـن
ليلا غريبه كيـف مازرتـه وانـت السندبـاد
وش باد ياليلا سـوا حيلـي وحيلـك مايليـن
ومن ساد غير الي زرع حقده وجا وقت الحصاد
الليل ياليـلا ماعـادة تطـرب ولابـه حنيـن
وحتى النجوم تغيـرن ماعـادن بعينـي بعـاد
الدرب هـذا ويـن رايـح جاوبـو ياتايهيـن
مدري انا الي تهت وانتم دربكـم درب الرشـاد
سعاد طال الصبر لاكـن ماجـزاء الصابريـن
الا بنصراً بـذن رب الكـون والموعـد وكـاد
قولي لليـلا دامـك اخبـر منهـا بالطامعيـن
ماياخـذون ليـا مشـو الا مـن الذلـه جنـاد
وقولـي لهـا انـا ننـام ولانسمـا ميتـيـن
وقولي لها انـا نتيـه ودربنـا وجهـه سعـاد



لكم تحيتي وتقديري