|
قصيدتي في ( مرض والدتي) ..... ابن سمدان
مناسبة القصيده : مرض الوالده الاخير وكنت انا واخوي الكبير تاج راسي ( ابو منيره سعيد ) معها في غرفة العناية المركزه ونظمت هالقصيده وانا بالمستشفى قبل ان يمن الله علينا بشفائها... فارجو الدعاء لها بالصحه والعافيه .. اقـــول :
يااسعيْد اسمع دام تنشد عن الحال=متساوي(ن) بالحال مدحي وذمي ألفيت صدري والفرح عنه رحال=ولميت حزن(ن) مانفع فيه لمي والعبره اللي شاقها خد رجال=هليتها ياخوي من زود همي ياضيق وسع الكون يوم الفرح زال=والعين يمسح دمعها راس كمي ليت المرض ينساق في شيمة رجال=سقت المراجل تفتدي ضحكة أمي فديت زول(ن) طلته غيث همال=واسعد عيني بشوفتج يوم يمي ماقلتج بالحق والحق ينقال=محبتج تجري بشرايين دمي قلبي واذا يمه من الصدر ينشال=في ذمتي قبل التفت قلت (سمي) وسـلامـتكـمـ لكم مودتي وتحياتي \ اخوكم ابن سمدان ! |
عسى الله يخليها لكم يارب ولايحرمكم منها ويشافيها ويعافيها
وصح الله السانك يابن سمدان ونعم الابن يومنها جابت والعبره اللي شاقهـا خـد رجـال هليتها ياخـوي مـن زود همـي ياضيق وسع الكون يوم الفرح زال والعين يمسح دمعهـا راس كمـي ليت المرض ينساق في شيمة رجال سقت المراجل تفتدي ضحكة أمـي |
الاخت الشاعره ( دمعة ناقة ) صح بدنج وبيض الله وجهج على الكلام الطيب والدعاء الحسن.... مرورج على قصيدتي وكنتي اول من يشرفني بالرد والتعليق عليها شرف كبير لي .. مااقول الا لا خلا ولا عدم ياشاعرة بريه تقبلي تحياتي يالغلا \ ابن سمدان |
ليت المرض ينساق في شيمة رجال
سقت المراجل تفتدي ضحكة أمـي الله يخليهااا لك اخوي بان سمدان ويطول بعمرهاا ياارب وش سويت فيني بهالقصيده وانا اختك ؟؟ لوو المرض يخيرنااا خليته يختارني دون الغالين بس الله يعافيهم يااارب صح لساانك مليووووون قصيده رااائعه مشااعر صادقه وليده موقف تدخل القلب بدوون مقدمات دمت بهذا الجمااال |
الاخت ( جمرة مطير ) صح بدنج والله يجزاج خير على الدعاء الطيب اللي مايرفعه بالصوت يم السما الا كفوف اهل النوايا الصافيه والقلوب الصادقه ... والله يابنت الناس ماكان القصد احرك الهموم الراكده والخامله عندكم ... السموحه وإلتمسيلي العذر ..... وعسى الله يشافي كل مريضٍ غالي عليكم ... لاهنتي على هذا الحضور المتمكن والمتميز والذي كسب تميزه وخفته من شخصية صاحبته ... تقبلي تحياتي \ ابن سمدان |
ابن سمدان ربي يخليها لكم ويطول عمرها ويحسن عملها ويجعلها في صحة وعافية ويمتعكم بها ويمتعها بكم اخوي ابن سمدان هي نور البيت وهي اساس الجمعات ولم العائلة وهي باب للجنة مفتوح واسال الله ان يجعل ما اصابها في ميزان حسناتها يوم القيامة .
|
اخوي البيرق حضورك قد اكسب القصيده جمالا من نوع آخر لايشابهه سوى ذاك الذي يصاحبك اينما كنت وفي اي مشاركة انخت ركابك وادليت بدلوك ... اخوي البيرق ... لااملك امام جمالية مفرداتك سوى الدعاء لك بالمثل ... وبارك الله بالقصيده اللي نشوفك بسببها ... الله لا يحرمنا من هالمرور الذي يعد وساما على صدري وصدر القصيده تقبل تحياتي \ اخوك ابن سمدان |
اخوي سلطان الجبلي الله يسلمك من كل شر ... وجزاك الله خير على دعائك للوالدة بالصحه والعافيه وماقصرت دايما وافي باخلاقك وباسلوبك وبحضورك ... اخي الكريم سلطان \ ماهي حيلة من تقف حروفه عاجزه عن النطق بالكلمات الملائمه امام روائع مفرداتك.... لله درك ياسلطان المفرده |
بن سمدان
صح الله السانك يا اخوي قصيده والله تعور القلب ما اقول الا الله يخليلكم الوالده ولا يحرمكم منها ويشفيها يا رب ,,,,,,,,,,,, |
الاخت ( مطيريه ) صح بدنج مرورج تشريف للقصيده ولشاعرها ومشكورة على الدعاء الطيب تقبلي تحياتي \ ابن سمدان |
| الساعة الآن 02:48 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
