::منتدى الجبلان الرسمي:: - البارحه عيني جفا النوم موقها**تسبر سنا برق رفيفه يشوقها

السلام عليكم ورحمة الله وبركاته
القصيده للشاعر الكبير/سلطان بن وسام الهاجري
وهي تعبر عن نفسها

البارحـه عينـي جفـا النـوم موقـهـا=تسبـر سنـا بـرق رفيـفـه يشوقـهـا
جعلـه مـن المنشـى ينـثـر مخائـلـه=مـن مزنـه غـرا تكـاشـف بروقـهـا
لامرهـا العسـاس مـن غـب سيلـهـا=عـيـن خباريـهـا ووكــد حقوقـهـا
مدهـال ذود ماتقـرع مــن الطـنـف=لاقرعـت بعـض الرياجـيـل نوقـهـا
البـل تبـي رجـل عـزومـه قـويـه=ولانتـوت عــن دربـهـا مايعوقـهـا
لايسمـع العـاذل ولايسـمـع الــردي=رعايـه الربـلـه ليبـسـت عروقـهـا
يـامـا رعيـنـا مشـبـر مارعـوبـه=اهــل الغنـيـم تـدقـق اربـوقـهـا
مافيـه يـاكـود الشـقـاري وخلطـهـا=وفيـه الخزامـي اللـي طـوال عنوقهـا
ترعابـه الـعـري ويبـنـي شحهـمـا=عقـب الدهـر خطـر تزايـد فتوقـهـا
يازينـهـا ليـاجـت عـقـب المعـشـا=والنـار تشـعـم والمعامـيـل فوقـهـا
اليـا لفـت عقـب العتـيـم وتفاهـقـت=وغسلـت شمايلهـا ورفيـت شقوقـهـا
هـذي تغـرز مـن غـلاهـا وقـدرهـا=وهــذي يـقـدم للنشـامـا غبوقـهـا
واليا اصبحت تسرح علي الر وض الادني=اليا اشرقـت الشمـس بـاول شروقهـا
لهـبـك النسـنـاس تشفـيـك خنـتـه=ويكفيك عـن ريـح الخزامـي نشوقهـا
وراعي الوظيفه يرتخـص عـن وظيفتـه=يرعابهـا القـافـر ويتـبـع طروقـهـا
كلـه لعينـا الشايـب الـلـي يحبـهـا=عــودا يقـلـط للنشـامـي حقوقـهـا
لايجـرح العانـي ولايزعـل الـخـوي=وعوق الخصوم اللـي وساعـا حلوقهـا
اللـي يحـب الطـيـب يلـقـاه عـنـده=والـلـي يــدور للـمـراره يذوقـهـا
ومـن لايحـوش المرجلـه فـي شبابـه=واليا انتحـت صعـب وعسـر لحوقهـا
وختامهـا منـي صـلاه علـي النـبـي=عــداد ماتنـشـي وتـبـرق بروقـهـا

تقبلو تحياتي,,
راعي الوضحا