|
جمس شكمانيـن وملقبينـه بـا الوليـد ( قصيده الجمس )
مما اعجبني ابدع الشاعر ابن قضعان في وصف (( الجمس )) :e: حيث قال
راكـب الـي ماتجيبـه وكالـة بالبـيـد=ولايجيبه بهبهانـي ولا وضيحـي قطـر ادهم وسم الجميـح علـى جنبـه جديـد=مهبل الي يوم عـرض يحسبنـه شفـر جمس شكمانيـن وملقبينـه بـا الوليـد=من سرابه ما يغبـط القصيبـي والجبـر كاتبين فـي ضمانـه حديـده مـا يبيـد=تمـرةٍ قـاري عليهـا حفيـد ابوبـكـر كن وجهه لانطحته تشعشـع يـوم عيـد=وانقفيتـه كنـه السيـل لاسـال وحـدر وان عرض لك في مزاياه من عنق الفريد=وان ركبته تحسب انك على سطح القمـر دقته نغمـة عبـادي علـى سلـم فريـد=لا عـزف الاول وجـاوب عاشـر وتـر لاشتغل قالت شكامينه اركـد يـا حديـد=والقـزوز تقـول للقـاع روح يـا فقـر كن في الشكمان الايمن صدا عبدالمجيـد=وكن في الشكمان الايسر صدا نايف صقر والبلوف تقول للكهربه هـل مـن مزيـد=والسيور تقـول للمروحـه ايـن المفـر كل اغانيهم علىدرب واصـل يـا عنيـد=لين تلفي قصر شيخ على العليـا شهـر سايقه من صلب ربعي وله بـاس شديـد=ما يخاف البعد والليـل والمـوت الحمـر |
مشكور يابكيفي على نقلك لهذه القصيدة وهي جديدة علي والشاعر بن قضعان شاعر جزل ماشاءالله.
وانا اذكر له قصيدة في وصف جمس الملك فهد وهي فائقة بالوصف. تحياتي وتكبل مروري. |
بكيفي جبلي
ذائقتك وتذوقك للشعر خطير يالغالي فعلا قصيده تستحق الاعجاب والنقل وصح الله لسان شاعرها تحياتي لك بن معرقب |
بعيد الهقاوي
سعدت بك وبمرورك وابن قضعان لايختلف عليه اثنين شاعر جزل لاهنت |
صح بدنك يابن معرقب
شرفت متصفحي بمرورك الكريم لاعدمناك |
حياك الله يابن شبلان
واشكرك على طيب المرور |
السلام عليكم لاهنت يابكيفي على نقل القصيده وصح لسان ابن قضعان وللعلم القصيده اللي نقلتها ناقصه وانشالله اني بجيبلك تكملتها تقبل مروري
|
| الساعة الآن 07:23 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
