|
قصيده تذرف لها الدموع..!
كل عام وأنتم بخير وأنشالله ينعاد علينا هذا الشهر الفضيل بكل خير ,ومقدمآ عيدكم مباركم يا رواد منتدى الجبلان......!!
هذي قصيده لشاب كان متهور وطائش ,وفي يوم من الايام كانت والدته معه وهو يقود السياره ويقود بتهور وقدر الله وصار لهم حادث وتوفت الوالده ونجى الشاب من غير أن يمسه ضرر أو سوء فكتب هذي القصيده.......!! يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات منقوله |
نقص قدري بعد موتك وغابت نشوة اللذات
وصار الهم عكازي اباكيه ويباكيني احيانا كثيره تشعر بفقد انسان ما000ان الهم هو خليفة ذلك الشخص الخيال000يتبارك العيد علينا وعليك هلابك وهلا بمشاركتك القيمه000نورتنا يالغالي ولاهنت على هالقصيده المؤثره جدا تحياتي بن معرقب |
حياك الله يا بن معرقب ... النور نورك ولا هنت يا هب الريح ..!!
سلطان الجبلي عزيز وغالي ... الذوق منك وإليك فديتك ..!! مشكوريــــــــنـ على مروركـــــــــمـ:p: |
الخيال شكراً لك على القصيدة المؤثره والعيد علينا وعليك مبارك يا الغالي الخيال اتمنى تواصلك زتواجدك في هذا الصرخ الشامخ وبعدين التوقيع روعه روعه ما شاء الله عليك ايها الخيال تحياتي |
تسلم يا هب الريح ... والتوقيع إذا تأمر عليه فدوتلك هو وراعيه ..!!
وبخصوص الانشغال , أنت أدرى بحوالي وبشغلي بس أنشالله بكون متواصل قدر الامكان فديتك..! مكشور على مرورك / بدر أبو عجرى . |
قصيده جميله جداً ومؤثره !!!!!!!!!
الخيال لا هنت يبا |
الحصيني أنت والله الجميل فديتك ......!!
مشكور على مرورك ويعطيك العافيه يبا ..!! :p: |
صج انها قصيده تذرف الدموع.. الله يعينه على فرقا امه
وعساك من العايدين والفايزين يالخيال وبيض الله وجهك على الموضوع والقصيده |
الخيال
أبحرت فيني بهذه الجمالية المحزنة والله يجعلنا بارين بوالدينا ونقوم ولو بربع حقهم علينا وعلينا وعليك يتبارك يالغالي تقبل تقديري وودي ... |
حيــــــاكـ اللهـ أخويـ فهـــد التومـ ومشكور علىـ مروركـ وردكـ ......!!
عــــود الليـــلـ عســـى ربـــيـ يجعلـــــكـ مـــنـ مـــنـ هــــمـ بأريــــنـ فـــيـ والدينهـــــمـ ومشكـــور علــى مــروركـ..!! |
| الساعة الآن 04:27 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
