|
وعـدتـيـنـي ..!!!!! ،،،، ابـن سـمـدان ،،،،، .
السلام عليكم ورحمة الله وبركاته صباحكم \ مساكم شعر
المعذره واقبل جميع المعاذير=قٍل الوصال وطول غيبه وصده لاشك مثلك مانساويه بالغير=لك بالحشا قدر ومكان وموده بس الظروف القاسية والمقادير=تمشي بصاحبها على غير وده اعتذر منكم ياسادتي جميعا عن انقطاعي في الفترة الاخيرة وهذا تقصير مني . .. وعشان هالتقصير جيتكم ومعي ( جاهية ) : ارشيفية متواضعة من قديمي ولم تنشر من قبل .. عسى ان تنال منكم الرضا والقبول للتواصل فقط . . . .
من الموعد قبل ساعه وفيت بوعد انا قده=برغم احساس من كانت بهالدنيا منى عيني برغم عيون عذالج وسرج منكشف سده=ألآ وش دخل خلق الله بشي(ن) بينج وبيني عليج من الوله ميّت وشوقي واصل(ن) حده=سرى صوت(ن) مع القمره يغنيلج <وحشتيني> قلوب الناس من نامت تنام العين منحده=دخيل الله لو نامت عيوني لا تصحيني انا يابنت في جرحي وليف(ن) يعشق الصده = مخضّب للجفا رمح(ن) خضابه من شراييني وعدتيني ولو كانت دروب الوصل منسده=انام بطرفج الناعس عن اهدابج تداريني وترى اهدابج لسال الدمع ماتقوى على رده=ودام الرزق بيد الله بعوض ماضي سنيني وودع هالسهر كله وليل(ن) عالشقا حده=واقول اني ملكت الكون يومنج وعدتيني ولكن يابعد عمري اخاف ان طالت المده=تحرق الشوق نيرانه \\ تجين وما تلاقيني طلبتج دامني عندج ترى موت الغلا رده=اذا عيني غفت لحظة امانه حيل ضمّيني على الموعد انا جيتج وشوقي واصل(ن) حده=واحس اني ملكت الكون ((( واثرج ماذكرتيني)))..!!؟ وسلامتكمـ |
ماشالله ماشالله
صح السانك0000انا اللي مافيني حيله ها؟؟؟؟ ياشيخ ماقلت لك اتعبت من بعدك000قصيده رائعه مكدسه بالاحاسيس المرهفه وكل ماجيت انتقي بيت لاذكره هنا ضمن كلماتي000وجدت مابعده يفوقه قوة وتأثير وجمال فأخذتني الحيره ايهما افضل ولكن 0000مااقول الا انت والله اللي صج مافيك حيله بن سمدان0000 شاعر وناقد وشخص طغت طيبته ولباقته000وميزته في المنتدى فنراه اجتاح ارواحنا بسرعة البرق000ولكن ماان والفناه وفرحنابه الا واخذته"الدوره "من بينا فبقى بقلوبنا وهاهو يعود لنا بهذه الكلمات الجميله والجزله ليطرب بها مسامعنا صح لسانك يالغالي000ولا اتعود هالغيبه تحياتي بن معرقب |
الغالي الجميل / ابن سمدان ..
الله الله الله الله يا " شعر " .. هذا الاحساس الطااااااااااغي كم يقتلني وانا لا اشعر !! مبدع ورائع وكل المفردات هي انت !! كم قيلت " لله درك " ولكن الان حقاً : للــــــــــــــــــــــــه درك ياا " شعر " !! :) سجلني احد شهدائك هنا .. .. .. |
صح لسانك
وربي مافيه كلام يوفيك يا بن سمدان بصراحه أخاف أقول روعة وذوق وجميل وأكون مقصر ولا أوفيت لكن تقبل إعجابي ... |
صح السانك ولا هنت يابن سمدان وافي وقصايدك وافيه
فلاح الجبلي |
واحس اني ملكت الكون ((( واثرج ماذكرتيني)))..!!
احووووووول وهذي نهاية الاشواق يابن سمدان ههههه صح لساانك وانت شاعر مبدع وجزل. سننتظر جديدك بكل شوق. وبشرنا وش اخبار الدورة ووصل سلامنا لسعادة العقيد جززاع. |
عــــــــــــدت يبن سمدان والعوده احمـــــــــدي
صح الله السانك وقوافيك على هالابداع ماقصروا الاخوان كفوا ووفوا بالمدح وعزالله انها قصيده تستاهل ماهي غريبه على بن سمدان هذي الرائعه على الموعد انا جيتـج وشوقـي واصـل(ن) حـدْه واحس اني ملكت الكون ((( واثرج ماذكرتيني)))..!! وانا اقول لااااااااااااا بالعكس كل الي بالمنتدى ذكروك بالخير وانا منهم وتستاهل |
وعدتينـي ولـو كانـت جبـال الوصـل منـهـدْه
انـام بداخـل عيونـج عسـى جفـنـج يغطيـنـي 7 7 7 7 على الموعد انا جيتـج وشوقـي واصـل(ن) حـدْه واحس اني ملكت الكون ((( واثرج ماذكرتيني)))..!! نقله من هالحب وهالوفااء الى ((( واثرج ماذكرتيني))) صح لسانك واحساااسك اخوووي مبدع ولاتحرمنااا هالجمااال |
صح بدنك يابن معرقب ... شاعر بحجم تجربتك الشعرية مروره بحد ذاته على القصيدة شرف ومكسب لشاعرها .. واللي اسعدني اكثر انك اول من قرأت رده وعرفت رايه بالقصيده ... عادتك يالذيب دايم على الطيب سبّاق.. اترك التواضع عنك يابن معرقب ....والله انت اللي مافيك حيله :) تقبل مودتي وتحياتي يالقرم \ اخوك ابن سمدان |
صح بدنك يافهد ... مستوى الشعر بالقصيده والله مااعرفه الا من شهادة شاعر مثلك ... وثق بالله ان شهادة شاعر بمثل شاعرية فهد الجبلي هي الوسام اللي تقلط صدر القصيده وشاعرها ... الله لا يخليني من حضورك المشرف ... ولايحرمني سماع راي اخ وشاعر مثلك على متواضعاتي الشعرية .. تقبل مودتي وتحياتي ياالامير \ اخوك ابن سمدان |
| الساعة الآن 12:52 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
