أسج القدم يا سعود يوم القدم تـنسج=ولادي طريقي وين لكن أبا أدرجها
أبا أفرج أهموماً تفج أبحشايا فج=مضالي سنه يا سعود و أزريت أفرجها
ترج الفكر رج بدويً صميله رج=تشوش علي الفكر والنفس تزعجها
ولكني أضحك في وجيه العرب و أبهج=على هالطريقه نفسي أشهور أبرمجها
بحيث العرب تنقد كثير الحكا والهرج=و أنا اشوم في نفسي ولا ودي أحرجها
ولا لي جدا غير أدرج مع هوات الغنج= عسا شوفة المزيون نفسي تخارجها
و رحت أتبع يا سعود راع العيون الدعج=و من وين ما راحت عيوني أبرجها
تنحر معا العالم وانا أتبع خطاه وهج= تقفا وضاع أمعا البشر مع لجايجها
تصدد يبا فرقاي فوق البسيطه دج=عليه الله أكبر يوم رجله يمرجها
أنا ملحقه شرهه وشيطان راسي لج=و هذا جزا نفسي تحمل نتايجها
رضيان بحكم الوقت والصج يبا صج=و محداً عن المقسوم نفسه يحججها
يكج البشر يا سعود ضيم الليالي كج=و تبقا هموم الناس محداً يعالجها