يقول اللي قوافيّه قليله=من العيبة وكل طيب(ن) سعاله
بيوتي وافية عذبة اصيله=على قافي صكوك(ن) من جزاله
سلام الله على قوم وقبيله=كريمه من كرم عود وعياله
تجازي الطيب باخلاق(ن) نبيله=تصون الحق موازين وعداله
وعزة نفسهم فيهم فضيله=يموت ولا سمع احد(ن) سؤاله
ضيوفه يذكرونه بالجميله=كريم(ن) لو خسر كامل حلاله
زبون المرجله اضحى دخيله=شجاع(ن) والشهادة جل مناله
اذا نار الوغى اشعل فتيله=وكل(ن) جامع(ن) خيرة رجاله
ونادى من يكون اسمه نزيله=يلبي ان سمع منهو نداله
صناديد الحروب اضحوا قتيله=وكم شيخ(ن) نكسناله عقاله
دعاوى العود خابر مايزيله=عسى طيبه يصونونه عياله
وحمران النواظر ماتجيله=وجبلان(ن) اذا رادوا قتاله
عقيد القوم شيخ(ن) مامثيله=يحث ربعه على طيب واصاله
اصيل(ن) من نسل قوم (ن) اصيله=عريب(ن) من هله عمٌ وخواله
رزين(ن) ماعرف قال(ن) وقيله=حكيم(ن) وان نطق صادق مقاله
يمينه بالعطا دايم جزيله=كريم(ن) والكرم اردى خصاله
--> تظنوني ادورلي حصيله=حشى مَطلب جزا من خير ماله <--
اذا ضاقت بيالحال ارتكيله=وقول لضيقتي مرّي سهاله
سيوف القوم تبقاله ظليله=تدوم الشمس ونبقى في ظلاله
(ابن لامي ) تواريخ(ن) طويله=شيوخ(ن) كلها عزّ ونباله