يقولـون قلبـك للقنـص دايـمٍ يـتـوق=وانا اقول هـذي رغبـةٍ لـي وعاشقهـا
انا لـي رغبـةٍ والصقاقيـر فـن وذوق=يعرف الصقـار مـن عشقهـا ةتشبّقهـا
وانا رغبتي وهوايتي شـي يـا مخلـوق=هوى البر في غـرب الديـار ومشارقهـا
ليا جيت روضٍ فيـه مختلـف الزملـوق=نبانيـب نبتـه ناعـم الريـح يطرقـهـا
مساقيه نوّ و المطير بـه رعـد وبـروق=تهشـم مزونـه فالوطـى ليـن يغرقهـا
عقب سيلة العشـب يتعلـى نباتـه فـوق=تشوف الفياض مـن النبـات وتضاوقهـا
تشوف الزبيدي كنه المرو فـي الرقـروق=يونّسـك شـوف البـرق فيـه وتخافقهـا
ليا دجت فيه عصير والا الضحى وشروق=والأشجار ظاهـرٍ الزهـر مـع مفالقهـا
وانا فـي يـدي شيهانـة جنسهـا يلـوق=لو الخارم المقفي علـى الخـوف تلحقهـا
ليا ضفّه الجنحـان كـن السمـا مشقـوق=سواة السهم والعيـن مـا عـاد ترمقهـا
عليها اطيـار يبهـر الحاكـي الصـدوق=وقعلٍ يحبـب فـي الشياهيـن واطرقهـا
ليا شقّت الداغر علـى القلـب والمعلـوق=تعجّـب ولله العـجـب يــوم تشلقـهـا
اناستك ياراع الولع جعـل مالـك عـوق=لعـل السلامـة فـي حياتـك ترافقـهـا
أخذ في القنص ياللي تحب القنص غدروق=ترى ونستك فـي آخـر حياتـك تشفّقهـا
يقوله لك اللي ما يبي شربـة المطـروق=عسـى الله يوسعهـا لنـا مـا يضيقهـا
ليا جيت في ارضٍ عشبه طبوق فوق كبوق=تساقيـه سحـبٍ كـن الأنهـار مدافقهـا
ما والله اغبط اللي يحبون ظـول السـوق=ولا أحـب ادوّج فـي الديـار وحدايقهـا
واحب المطر والخيل واحب شوف النـوق=ةاحب الهنـوف اللـي تكاشـف عواتقهـا
اليا صار مـع جمالهـا عقلهـا ماتـوق=اليـا شفتهـا اتقـول سبحـان خالقـهـا
عيـون المهـاة وعاتـقٍ مـارقٍ منتـوق=وخدٍ كما شمس الضحـي فـي تشاعقهـا
تبسّـم ابيـض ذبّـل مـا بهـن فـروق=كما الحـص مـن محـارةٍ يـوم تفلقهـا
اليا شفتها قـام يحانـي عليهـا الشـوق=ولـو بكيفـي كـان والله مـا افارقـهـا
لا أجّود معضّ الذيب حاضر ما هو مفهوق=واشم الخدود اللي كمـا الـورد وانشقهـا
هذي رغبتي ومناي والاّ العمـر ملحـوق=ولي رغبة فـي الحـر الأشقـر محققهـا
واحب اللذي به لـون وريشـة الغرنـوق=به الميزة اللي راعـي الصنـف يعشقهـا
اليا صار فوق الوكـر ماكـن فيهسبـوق=سراويلـه تغطـي اسـبـوق وتفرقـهـا
اليا من لحقها فالهوا ساق روحـه سـوق=كما سوق ميـراج عطـا النـار سايقهـا