من غير مقدمااااات............


من صفحت التاريخ تروى الاساطير ...
قبيلتن من عظمها دونتها ...

كانت و كان الناس بطباعها غير ...
ناسن تعلق صدقها بلسنتها ...

بجيبها قدامكم فلم تصوير ...
لقطات و ابياتي فلاش حظنتها ...

بقولها و الهرج ما فيه تشفير ...
قصه تحاكي وقتها و ضمنتها ...

يوم الحما يحما بحدب البواتير ...
و الخيل تحفى ارقابها برسنتها ...

حنا شبرنا الارض بالفعل تشبير ...
سبع القبايل راهنت و رهنتها ...

هذا ولا نطري القبايل بتحقير ...
ما اقول بسياتها و حسنتها ...

نعمن بهم لكن انا بمدح مطير ...
يحقلي و افعالها برهنتها ...

ربعي اهل الطالات شيوخن مناعير ...
عينن تكحلها و عينن سحنتها ...

لا ثارت الهيجا وعج المظاهير ...
و تعانقن شيطانها و دخنتها ...

فعلن يخلي مطير تفرق عن الغير ...
بالمعركه روس الرجال طحنتها ...

مركابهم يشبع به الذيب و الطير ...
غير الذي حدر التراب دفنتها ...

لهم على الحرب موارد و تصدير ...
و نجد العذيه برماحها سكنتها ...

و لهم على الصمان عزن و تقدير ...
بيارقن عنوانها عنونتها ...

و الوقت هذا خير و ايامنا خير ...
وصفه يعيش خززها و عدنتها ...

وقتن يعلي مالكين الدنانير ...
اللي بكثر فلوسها هيمنتها ...

تمت و تبقى مطير روح الاساطير ...
قبيلتن من عظمها دونتها ...

؟؟؟
؟؟
؟

من ارووع مااقرات
للشاااعر بدر الضمني

الموضوع الأصلي: رووح الاسااطير............؟؟؟ || الكاتب: * جمرة مطير * || المصدر: منتدى الجبلان الرسمي

المصدر: ::منتدى الجبلان الرسمي::