سعود بن بندر


سعود بن بندر بن محمد بن بن عبدالرحمن ال سعود حفيد الملك

عبدالعزيز هو الابن الاكبر للاميره البندري بنت عبد العزيز خريجة مدرسة

الملك عبدالعزيز تلك المدرسه التي عنيت بتربيه الاخلاق الحميده والمثل

العليا والمحبه والاخاء واحترام الكبير هذا كله انعكس في تربيتها لابناءها

ولكن تظل شخصية الامير الراحل سعود بن بندر هي الاميز ليس بين

اسرته فقط بل بين شباب جيله وعصره كان رحمه الله يقدم النصيحه

لامه واخوانه وجميع من حوله يمد يد العون لكل محتاج ضرب اروع الامثله

في المواقف الانسانيه واعمال الخير هو امير القلوب ان صح التعبير

سعودبن بندر رحمه الله كان ولازال من ابرز رموز الشعر في تاريخ الجزيره

العربيه كان رحمه الله اذ قيل له 000شاعر 000 يقول انا لست بشاعر !؟





¤¤ مــنــهــو حــبــيــبــك ¤¤

منهو حبيبك غايتي بس اهنيه ..
على حسن حظه عشانك حبيبه ..

انا اشهد ان الله يحبه و يعطيه ..
اللي هداك الرب تصبح نصيبه ..

يا اللي خذيت من الحلا كل ما فيه ..
و من الطبع كل الخصال الحبيبه ..

تسحر بهمساتك عقل من تحاكيه ..
مع خف الدم و ملح ما ينحكى به ..

لك حق يوم تموق و تحس بالتيه ..
الله وهبك اوصاف زين غريبه ..

قبلك و انا بعض الجمال ألتفت فيه ..
و عقبك ظهر في كل من شفت عيبه ..






¤¤ تــولــعــت بــك ¤¤

تولعت بك و الله كتب لي على فرقاك ..
حسبي على الحظ الردي كانه اشقاني ..

انا ماشعرت اني مع الناس قبل ألقاك ..
ولا ذقت لدنيا طعم قبل تلقاني ..

ولا كنت احس بروعة الحب قبل اهواك ..
و لولا عيونك ما كتبت اجمل ألحاني ..

سقى الله ليالي خالده عشتها وياك ..
بدرب الحويه بين عشب و غدراني ..

تذكرت يوم اقبلت كنك تحسب خطاك ..
تمايل بعود نايف الطول رياني ..

و ترفع طرف ملبوسك الضيق بيمناك ..
و شلال شعرك تنثره فوق الامتاني ..

ترى اللي يسليني عن مشاهدك ذكراك ..
انا مستحيل انساك اخاف انت تنساني





¤¤ الــدمــع غــالــي ¤¤

الدمع غالي كف دمعك كفايه ..
وش في دموعك فوق خدك جواري ..
دمعي معك و ان هل دمعك عزايه ..
ابكي لدمع من العيون الحواري ..
يا منور دنياي لي يا منايه ..
يا ريف حالي خل عنك الطواري ..
تدري بقلبي ما لحبك نهايه ..
و غلاك عندي مايبي له مواري





¤¤ بــس لا احــد يــجــرح الــثــانــي بــكــلامــه ¤¤

كان لك عزه فأنا عندي كرامه ..
و ما على المقفي و لو غالي ندامه ..

اني استجديك ترجع لا تهوجس ..
لا تفارقني الى يوم القيامه ..

و اعترف بأشواقي لشوفك و لكن ..
عزتي للي هوى حبه مرامه ..

و من يطيع القلب ينكر فضل عقله ..
و من قوى رغبات نفسه في ملامه ..

وش سعادتنا عشان اندم عليها ..
يوم اوزانها بتشكيكك و ملامه ..

ان تفارقنا العلم فيه خيره ..
الغرام يفسده كثرة خصامه ..

اكتشفنا كلنا مر الحقيقه ..
ليش نخفي روسنا مثل النعامه ..

خلنا نذكر بعضنا بالمحاسن ..
و الله يمشيك في درب السلامه ..

بيني و بينك وكاد الحب ولى ..
بس لا احد يجرح الثاني كلامه ..

ما يخلي قلبي اللي طال دربه ..
عارض حبه لمن يملك زمانه ..





¤¤ قــالــوا تــحــبــه ¤¤

قالوا تحبه قلت ماهو بالحيل ..
بس انه اغلى شوي من نور عيني ..
يسوى جميع الجيل الاول و هالجيل ..
احبابي الماضين و المقبليني ..
شوقي له اعظم من ضمى الارض لسيل ..
و اشفق عليه اكثر من ام الجنيني ..
و احتاج له حاجة ثرى مصر للنيل ..
و عليه اغار و لو من والديني ..
اشتاق له شوق المحبين لليل ..
و ارتاح له راحة دموع الحزيني ..
لا صار جنبي لو سنه وقتي يخيل ..
و لا غاب لو لحظه صارت سنيني ..
قالوا يحبك قلت هذا هو الويل ..
ما ودي انشد ثم رفضه يجيني ..
و اهدم رجاي بدبرتي مثل ما قيل ..
و الافضل احيا بالامل لو لحيني ..
يا حبكم يا ناس للقال و القيل ..
و الامر لو هو سهل يصبح مهيني ..
خلوني احيا فالوهم يا عواذيل ..
وش دخلكم و الامر بينه و بيني ..






¤¤ فــراق و فــراق ¤¤

ما كلف الله نفس مالا تطيقه ..
البعد و الحرمان ماعاد ينطاق ..
ماكنت افكر في فراقك دقيقه ..
لولا ان عقلي من سبات الهوى فاق ..
و شفت ان جمع الشمل ماله طريقه ..
ولا صار لي قدره على قهر الاشواق ..
تسري الليالي السود مثل الحريقه ..
تحرق من ايام العمر خضر الاوراق ..
و نور الامل في الوصل يفقد بريقه ..
و دايم و حنا بالاسم بس عشاق ..
ظهر لي الواقع و مر الحقيقه ..
كل شي يقول فراق و فراق و فراق






¤¤ اهــواك و اهــواك ¤¤

تخطي علي و استسمحك و اترجاك ..
ضعفي هواك و فطنتك ماتخونك ..
المشكله اني كل ماجيت ابنساك ..
فكرت نفسي كيف ترتاح دونك ..
و ما اظن لا هذا ولا ذاك ..
و اللي سمعت بذكره يعوضونك ..
تدري اني اعشق فيك كامل سجاياك ..
زينك و شينك في قساك و ليونك ..
و اني متيم في محاسن محياك ..
و تعرف علي وشلون سلطة عيونك ..
تامر علي من موقها الموت هذاك ..
و اطاوع امره قبل ترمش جفونك ..
رديت قلبي عنك لاشك هو جاك ..
و جيتك معه راضي بمقبل طعونك ..
ارجع و اقول اهواك و اهواك و اهواك ..
و بكيفك تعذب و لكن بهونك





¤¤ مــاهــو غــلــط ¤¤

ماهو غلط تشعر بزلتك و تعود ..
صدري وسيع للعذر و السموحه ..
بس الخطا تجحد و خلق الله شهود ..
تجيني و ترسم للاخلاق لوحه ..
و بزعمك اني غافل القلب مشدود ..
يمك ولا اقوى عن محبتك روحه ..
غلطان واجد ما تقيدني قيود ..
مثلي متى ما عاف بيشوح شوحه ..
عندي كرامه و لصبر عندي حدود ..
ان ما رعاه اللي رعيته بلوحه ..
لوحة مناديل الورق هبة النود ..
و اقفى و لكنه بلاني بروحه ..
انبهك تحذر عن النقص و الزود ..
لا تحسب ان النفس دايم دموحه ..






¤¤ لــبــيــه ¤¤


لبيه يا داعن لشوفك دعاني ..
اجيك و اشواقي لك تقول لبيه ..
جيتك بحبي و الوله و الحناني ..
و العين لهفتها لشوفتك تبديد ..
جنبك يصير العمر له طعم ثاني ..
احس فيه بقيمة الوقت و احصيه ..
لاجاد وقتي باللقا لو ثواني ..
عندي تساوي كل عمري ثوانيه ..
حاولت اقاوم موج حبن خذاني ..
لبحر الغرام اللي عرفت الغرق فيه ..
يا اللي تحملت الملامه عشاني ..
من شانك اجمع باقي العمر و اهديه





¤¤ مــشــتــاق ¤¤

مشتاق لك يا زين و الله مشتاق ..
مشتاق للعين هي و الجديله ..
مشتاق اشوف البدر و الزين مياق ..
يرسل لنا من نور وجهه سديله ..
مشتاق اشوفك يا منى الروح منساق ..
يمي ولا غيري تدور بديله ..
ترى الجفى يا زين و الله ما لاق ..
ما لاق لك لا و الذي ندعي له ..
متى اشوفك عند غيبات الاشفاق ..
و تبري جروحن قبل هذا عليله






افلان ..وافلانه


يامن خلق ربي ..احساسي على شانه
لي في تجاهلك قدام الملا.. معني
خوفي على حبنا قررت ..كتمانه
لين الله يسير الايام تجمعنا
غواص بحر الهوى ..لاحصل ..الدانه
يبلع صدفها عن اهل الغوص .. لويعني
وانا لقيتك وروحي فيك ولهانة
وشلون ابينك ..للعاذل ويخدعنا
والورد يجنا اللي.. مالت به اغصانه
واصبر .. ولابد ماتزهر مرابعنا
دام الامل حي والاشواق ..عطشانه
لابد من ليلة ..تضحك..مدامعنا
مافيه داعي نشوف افلان ..وفلانه
برهان حبٍ برغم الناس .. مقنعا
زال الوفا ..طبعنا والنفس ولهانه
ماأظن حي عن الجمعا .. بيمنعني





كان يا ما

ليتني من قلبي وعقلي طليق
وأني أقوي ذل نفسي .. واللفاق
كان ياما ... صار عندي من صديق
وصرت له صاحب ... وعانقني أعناق
البلا أن الطبع في مثلي خليق
مايعد لو عدل شط العراق





دنياك حلوة


دنياك حلوه لا تهمك ظنونك
لاخير فيها كان خان القدر فيك
وش نفعها ياقبلة الخلق دونك
لعلها (...) دنيا تبكيك
حرام أشوف الدمع .. يملي عيونك
يامالي قلبي من الحب ... وشفيك
تقول حظك ياحياتي ... يخونك
وش قولتي في حظي اللي غدر فيك
ترى شجوني زودتها ... شجونك
خذ قلبي ... العب به لعله يسليك





اتمنى ان ينال اعجابكم

الموضوع الأصلي: **......... سعود بن بندر ..........** || الكاتب: * جمرة مطير * || المصدر: منتدى الجبلان الرسمي

المصدر: ::منتدى الجبلان الرسمي::