مسكين ياقلب عشق ظلمة الليل=يوم ان غيرك لااصبح الصبح سالي
تسهر مع همومك ماهو للتعاليل =من ضيقتن تصلي بوسطك صوالي
قامن همومك يلعبن بك مواويل =كلن على طاروق غنى يلالي
ياقلب عطني عن مآسيك تعليل =ضاقت بك ضلوعي وضاق احتمالي
وش لازم هموم تزيدك بهاذيل =لاصرت من هم المحبين خالي
ان كانها من شوفتك للتهاويل= اصبر ترى في تالي المر حالي
صحيح في هالوقت صارت غرابيل =وانا كسبت الطيب هو راس مالي
ناسٍ تبي عن كلمة الحق تظليل =يهمها ظلم البشر والظلالي
يالله عسى كل دربهم ويل في ويل =ينزل بهم عدله عظيم الجلالي
ربي معي بمنازع اهل التظاليل =مادمت انا في كلمة الحق عالي
مادامني عن كلمة الحق ما اميل=الريح ما هيّب شموخ الجبالي

الموضوع الأصلي: الريح ماهيّب شموخ الجبالي || الكاتب: بعيد الهقاوي || المصدر: منتدى الجبلان الرسمي

المصدر: ::منتدى الجبلان الرسمي::