خليت قلبـي معـك والله يصبرنـي₪مبطي وانا اقول قلبي ويـن خليتـه ؟!

₪ السلام عليكم ورحمة الله وبركاته₪

الشاعر عطا الله فرحان غني عن التعريف .. وهذه القصيده الرائعه من روائعه .. عل وعسى ان تحوز على رضاكم




اتعبني الحلم ليـن الواقـع انكرنـي
كني مسكت الفرج بيـدي وهديتـه
₪
مافي داعي على فرقـاك تجبرنـي
حتى الجفا منـك ولعنـي وحبيتـه
₪
الجـرح عـدا زمانـه لاتذكرنـي
هـذاك وقـت تعذرتـه وجافيـتـه
₪
لوشفت دمع القصايد كان تعذرنـي
تصور ان الشعر يضحـك وبكيتـه
₪
ماغيرونـي ياكـود الله يغيـرنـي
كم واحـد عنـك يبعدنـي ورديتـه
₪
وفيـت وادري وفايـا مايصغرنـي
صوبت يم الهدف لاكنـي اخطيتـه
₪
من طار سرب الغلا والشوق طيرني
شف ماعلى الارض واحد ماتعديتـه
₪
خذني على صدرك الدافي وسيرني
بعض الولع ياخذ الرجال من بيتـه
₪
ابنشغـل فـي عيونـك لاتدورنـي
ودي بشـي اشوفـه مابعـد جيتـه
₪
خليت قلبـي معـك والله يصبرنـي
مبطي وانا اقول قلبي ويـن خليتـه
₪
اشتقت لك مابقيتك عـاد تشكرنـي
تغيب والشـوق ماعمـري تباطيتـه
₪
ماخذ على خاطري والبعد قاهرنـي
مدري شسوي وانا كل شي سويتـه
₪
العام يوم الوعـد تسبـق وتنطرنـي
مستغرب شلون هالموعـد تناسيتـه
₪
وين انت رايح ولا كنـك معبرنـي
ماكني الـي علـى العالـم تمنيتـه
₪
لاصار هذه علومك راح تخسرنـي
ماعمر احد راح من كيفـه وناديتـه
₪
عند الكرامه ابيعك وانـت خابرنـي
الله وكيلك ترى كـل شـي مريتـه
₪
وكانه هجر بالسلامه روح واهجرني
اخـوي لاصـد عنـي ماترجيتـه

الموضوع الأصلي: خليت قلبـي معـك والله يصبرنـي₪مبطي وانا اقول قلبي ويـن خليتـه ؟! || الكاتب: نبض الغلا || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::