كنت احسب انّك فاهم ْلشخصيّتي وانصفْتهـا
.........................أثْرك إلين اليوم ما انـت بفاهـم ْلشخصيّتـي
واخطاء لا يمكن تطوف .. برغبتي .. طوّفْتها
...............................حتى أبيّن لك مـدى صدقـي وطيبـة نيّتـي
ياخي انا كل المشاعر لجلـك .. استنزفْتهـا
........................وانت (ف) برودك للأسف.. قتلت رومنسيّتي
حتى أحاسيسك عشاني .. مـا بعـد كلفْتهـا
............................ما كنّك انت اللـي ورى تحطيمـك ْلنفسيّتـي
أفعالك اصلاً لامسَت شخصي وانا صرّفْتهـا
........................وشلون اصرّفها.. إذا هي لامسَـت قوميّتـي
تستاهل انّك تنجحد مـن نـاس مـا شرّفْتهـا
........................واوّل ترددت اجْحدك ..والحيـن بامكانيّتـي
ما دامك ْتعدّيـت ويّـاي الحـدود ..وطفْتهـا
...........................غسلت يـدّي منّـك.. وأخليـت مسئوليّتـي
|