..{ الساعه 8

من زمان !
كانت الساعه ثمان
شوق
احلام
واغاني
صبـــــح يمطر صبح ثـاني !
في حضوره
يعزف من الغيم نبضه
ياشعــوره
كان ياخذني الحنين ازور ارضه !
للأمانـــي ..

من زمـان !
كانت الساعه ثمــان
.
كان يصبّـحنـي : صباح الحــب
كنت اغنـي له : مساء الـروح
كان يكلمني عن اللي حـَــب
كنت اسولف له عن المجـروح
كان يغازلنـي : تعالي نحِـــب !
ماحسبت اني بروح الروح
كنــت ..... وكان
كنــا نشعر
بالأمــان !
.

اكتمل صوته بقلبي
...... صار طاير فالعلالي
ماقدرت اللي اشوفــه
...... وما قدر يجلس قبالــي
كان واضح في خياله
عاش صادق في خيالي !
انتظر انفاس روحه
مع صباح الخير تشرق ...... كنها من غرب تشرق !
ياحنين أنفاس مُـشرق ..... يحتويني بالحنان !
نبض من روح الثواني
قطعه من قلب المعاني
...... سخـّره وقته عشاني
من جنون الساعه أربـع
لـ دفا الساعه ثمان.............. عنفوانه عنفوان !
من زمان
.
.

الوفا بحدود قلبه .... عزتـه في كل مكان
سل سيفه كان فارس مايهمـه من يكون !
يطعن الذل بكرامه يقهر الصعب بـهــوان
يجرح القلب بشهامه لاوصل حد الجنــون
كل هالناس بوجوده اتــّـباشر بالأمــــان
في نقـاء الأخ عاش وطيبـة الأب الحنون !
مره كان الصبــح عاشق ( كانت الساعه ثمـان ) ..!!
علّــم العشــّاق يعني كيف تغريد العيون !
كيف يتــــْذوق حديـث الصبـح شاي الزعفران
كل ماطارت حمامه .. سولفت ريح الغصون !
كيف لاذاب الحنين يـذوب احساسه ( كمان )
لـكل طاري للحزن ويـذوب كل الــْــ يحزنون !
روح من صدق المشاعر.. درب غارق فالحنان
قلب من عطف وأماني ماعرف زيف وظنــون !
مره كان الصبـح عاشق من أساطير الزمـان
في ثمــان الساعه غاب .. وقال : لايمكن أخـــون ..!!




خلود البراري

الموضوع الأصلي: ..{ الساعه 8 || الكاتب: зтнов || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

.

.