صوتٍ ينادي للمشاعـر سمعتـه
نبّه خفوقي له وسقت الخطـاوي
مدري كذا احساس جاني وطعته
مشيت في دربه بشيمة فـداوي
كبو كلام الماضي اللي وضعتـه
ماجيت أنا همس القواافي هواوي
ماجابني الاشي شفـت وشنعتـه
شيٍ ذبحني وجيت قصد امداوي
يديك مسؤله عن اللـي صنعتـه
يابنت ابوك بنت الحرار النداوي
اقسم قسم لوهو بيـدي جبعتـه
من موضعه وشلته بشكل نهاوي
ولولا الموده واحتـرامٍ زرعتـه
في داخلي اكسب قلوب وخـاوي
لاكان بيّحـت الخبرثـم ذعتـه
بجميع اقسام المنتدي لوني ناوي
وذبحت به عرقٍ وعرقٍ وجعتـه
وخليتها قصـه معـا كـل راوي