يامل قلـب كـل ماقلـت دالـه=انه يذكرني بشرهـات وحقـوق
ياقلبي ياقلب الخطـأ والجهالـه=لاتحسب اني بايع الطيب بالسوق
والله وحق الـي عزيـز جلالـه=لا اتعب وراه وكل مطرود ملحوق
مـادام راسـي عايـش يادلالـه=تف على الدنيا وتف على العـوق
كم واحد للطيب يشعـى بجمالـه=يسوقهن للطيب والمرجله سـوق
وكم واحد يقول مالـي ومالـه؟=بينه وبين الطيب بابين ومغلـوق
رجل بلا عـز محـى الله حلالـه=لاصار ماياخذ مع العز طـاروق
هو يحسب انه ينفعه كثـر مالـه=لابد مايصبح عن المال مفـروق
المـال زينـه للحيـاة ومنالـه=لاصار يملا كل صخي ومـرزوق
إذا اجتمع ديـن وحكـم وعدالـه=ويمنى كريمه تعطي الطيب مدفوق
هاذي حـلاة للرجـال وكمالـه=طيب يذكر به ولا عيشة العـوق
الطيب عز للرجـال وشكـى لـه=ولا الردى يحتال به راعي البوق
والله ماترك كل طيـب وجمالـه=إلا وروحي صاعده للولي فـوق
والرزق عند الـي قويـة حبالـه=الواحد الـي رازق كـل مخلـوق