::منتدى الجبلان الرسمي:: - عرض مشاركة واحدة

13-08-2008, 02:47 PM

غابت الشمس وبدا ليله يسودي
واكتحل لون السما والليل جنّا
يا عسى شمس السما بسرعة تعودي
ما يطوّل نورها بالبعد عنّا
سال دمع العين من فوق الخدودي
ما قدرت أمنع دموعي واذرفنّا
ما غفت عيني ولا حتى تنودي
يا الله المعبود ترحم من تعنّا
ساهرٍ والناس من حولي رقودي
اتفكر فيك يا دنيا واونّا
ساهرٍ والناس من حولي رقودي
اتفكر فيك يا دنيا وأونّا
أكثر أيامك على المخلوق سودي
ينتهي عمره وهو بك ما تهنّا
العمر في نقص وأيامه تزودي
نحسب أيامه وهي تحسب زمنّا
الفرح به يوم والباقي نكودي
كم قلوبٍ من تقلبها شكنّا
طبعها النكران هي أم الجحودي
كم عيونٍ من فعايلها بكنّا
لو صفت لك لازم اِلطبعه تعودي
والوعد بايّامه اللي يقبلنّا
مال هالدنيا على حالٍ ركودي
مثلها مثل الشجر دايم تثنّا