عليا الهلاليه ,,,,,,

هذه القصيده نشرت بمجلة المختلف العدد ((100)) وهي لعليا الهلاليه ، بينما كان ابو زيد الهلالي يقاتل البربر في المغرب .. وصلت لزوجته عليا (اخباريه ما) اثارت غيرتها !! فارسلت إليه هذه القصيده تعاتبه ..







ياراكب اللي من عقيـلٍ تقللـوا
,,,,,,,,,,على ضمرٍ شروى الحنايا نحايـل
ابا اوصيكم وصاةٍ ماتثقل ركابكم
,,,,,,,,خفيفة على راعي الثنايا والجمايل
وليا لفيتوا لاهلكم عقب غربـه
,,,,,,,,,,,,,,متغبطيـنٍ فـي بطـون الحلايـل
فقولوا لبو زيد إن بغانـي بغيتـه
,,,,,,,,,,,,,وأن دور البدلا لقينـا البدايـل
كم من رجوس الحجل تبلي بعاقه
,,,,,,,,,,,وكم عاقة تبلي بوافـي الخصايـل
أنجبـت اخضـر مايـزرر ثيابـه
,,,,,,,,,,,,,,,هبيل يلعـب بالقلـوب الهبايـل
والله لولا البحـر بينـي وبينـه
,,,,,,,,,جيته على وضحا من الهجن حايل
ابا زيد غـرات الصبـا لاتغـرك
,,,,,,,,ترى الهجن خير بالسرى والقوايل
بالشتا دور من الهجـن سمرغيـة
,,,,,,,,,,,,وبالقيظ دور من كبار الشمايـل
غزاليـة المقـدم جماليـة القفـا
,,,,,,,,,,,,,عليكم بهـا ياراكبيـن الرحايـل
ابا زيد لو ان النسا تركب النضـا
,,,,,,,,,,جيتك على وجنا من الهجن حايل
لكن صريخ الكور حدرى وفوقها
,,,,,,,,,صريخ القطا في محكمات الحبايـل
ابا زيد .... تنساني وتنسي جمايلي
,,,,,,,,,,,,,,الله واكبـر يانكـور الجمـايـل
نسيت يوم ان عرقات الارطي بيننا
,,,,,,,,,,,,,يوم جعدي فوق متنيـك مايـل
ابازيد .. تنسي يوم ترشح لذبلي
,,,,,,,,,كما يرشح العطشان باقي البلايل
ابازيد ... ترى الـوادي امتـلا
,,,,,,,,,,,,,وكل وادي من علاويـه سايـل
يبيعون ماباعوا ويشرون ماشـروا
,,,,,,,,,,,,,ولاغبـن إلا بالنضـا والحلايـل




انشاءالله تعجبكم

الموضوع الأصلي: عليا الهلاليه ,,,,,, || الكاتب: شجاع الهيت || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::