وش عاد تسوى حياتي لاصبحت دونك = وش عاد باقي بعد ماغبت يلهيها
ماغير ذيك الجروح اللي من اطعونك = ياكثر ماهي تلاحيني والاحيها
والدمعه اللي ابد ما مرّت اعيونك = كم لي احاول ليا بانت اخبّيها
وخصوص لما على بالي يطرّونك = جميع ماحمل من الاحساس .. وراعيها
يازين تكفى على هونك .. على هونك = وشلون تملك حياتي ثم .. ترميها
ماجا في بالك يجون اللي يجازونك = عني ليا من جميع دعاي داعيها ؟
لكن مدام اللذي حولك يسرّونك = عسى حياتك حبيبي تهتني فيها
واما حياتي حبيبي وش بها دونك = ماضن باقي بعد ماغبت يلهيها

الموضوع الأصلي: || تغيّرتي || || الكاتب: جاسم الديحاني || المصدر: منتدى الجبلان الرسمي

المصدر: ::منتدى الجبلان الرسمي::