قصيده فلاح الرغوان وسندها لخوه عبدالله محمد الرغوان
السلام عليلكم ومبارك عليكم ماتبقى من الشهر
قصيدة فلاح محمد الرغوان
سلام والمعنى على وضح النقا ماهو محجـــوب
واضح سواة النجمه اللي ثابته لغيـــــــــــــابـــــها
والشاعر اللي يحترص ياصاحبي من كل صـــــوب
يعبر بحور هايجه ولا يحسب احســــــــــابــــــهــا
يا مرحبابه لا عبر وان ما عبر مـــــاهو مغصــــــوب
ولا يجي فوق الجبال ويعتلي مـرقـــــــــــــــــابها
يا صاحبي لو كنت تعلم ماورى بعض القلـــــــــوب
كان اثر الاصحاب تبعد مــــــــاتجي لصحـــــــــابها
وان رفيقي لو يزل ماني بحساب الـــــذنـــــــــوب
اتجاهل الزلات وذكر حسنته وابــــدابــــــــــــــها
وخاوي اللي ماحسب للمال والعمر محســــوب
فيه الشجاعه والظفر والمرجـــــله يسعــــــــابها
يعرف مشارق شمسها ويعرف متى وقت الغروب
ويعرف مخارجها قبل يبدي بطرق ابــــوابــــــــــها
دايم بعيــــــــده نظرته مايلتفت يـم الكـــــــــذوب
مهمـا حكاله مايصدق كلمة يجتـــــــــــــــــــــابها
واختامها صـلاة ربي عد ما هب الهبــــــــــــــــوب
على النبي الهـاشمي خير البشر وانســــــــابها
رد عبدالله محمد الرغوان
نبدي بذكر الله رب الكون غفار الذنــــــــــــــــوب
هو عالم بالبينه والخافيات ادرابــــــــــــــــــــــها
لو البشر شافت جهنم كان خلق الله تتـــــــــوب
ما كان شيطان البشر شد العرب بشنـــــــــابها
من بعدها والحرص واجب والبشر فيها عيـــــوب
والرابح اللي لاعطت يمناه تستر مــــــــــــــابها
والحر لامن ضاق علق بالخضيره والهبــــــــــــوب
له صيدة وسط السهل له ماكر بهضـــــــــــــابها
عطيتني مهله واشوف الشعر عندي وسط كوب
اشرب معاني الشعر والشعار احسب احسـابها
اجمل سلام
اخوكم / مصفي المرح
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|
يمنع وضع الايميل في التوقيع !
آخر تعديل مصفي المرح يوم
11-09-2008 في 03:07 AM.
|